Myaso 64:5 - Livulu lya Shukulu Kalunga

⁵ Valikundwila umo na mukwavo ku matumbe amavi, vasimutwiya vyakutsiya vanu mu vushweke co vendeka ngwavo, “Wai asa kutumona.”

Myaso 64:5 Iomraidhean Croise

Kushangumuka 20:13

Ngecivene, omo Njambi wanjitundisile ku njuvo ya tate nakuya mu lifuti lya vungenzi, njendekele kuli munakazi wange ngwange, ‘Yove wasa kumwesa kulongwa kwove kuli yange akwendeka kwoshe kutukaya ngwove yange njinapu nji ndolome yove.’ ”

Yombi 22:13

Co yove ukehula ngwove, ‘Vikajo Njambi vyazivuka? Ikeye wavanda mu mashelwa, co vatijo asa kutusompa?’

Myaso 10:11

Muka-vuvi endeka mu mbunge yendi ngwendi, “Njambi nevala, nakenge kweka, co kasa kunjimona!”

Myaso 124:7

Tunaputumuka ngwe kazila natundu mu mweto wa ciyambi, mweto unashutuka, co tunaputumukamo!

Myaso 140:5

Vaka-kulyalesa vananjitela mweto, vanatanduvula mikole ngwe linimbwa, vananjitela myeto kumukulo wa ngila ngeci njitsemo.

Myaso 59:7

Tolilila kushaula kwavo nakujujwisa kwavo! Majwi a mu tunwa twavo anapu ngwe vimoko vya mukwale, vayongola ngeci naumo wai avaziva.

Myaso 94:7

Vendeka ngwavo, “Shukulu Kalunga katumono, Njambi ya Isalele kombuko mbunge!”

Kutuuka 15:9

Citozi wendekele ngwendi, ‘Njikavakava, co njikavakwata, njikaangununa vufuko vwavo, co njikambata vyoshe vinjishaka, njikashomona mukwale wange, co njikavanyongesa na livoko lyange.’

Isaya 41:6

Vanu valikwase nakulitakamesa umo na mukwavo.

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Kulava 22:6

Vanatuhyana, yetu tunapu tuvavandondo, ngecivene, ija wakunjisingilevo. Amo twakuvafungulula nakuvasheka mu lifuti lyetu. Omwo njazivuka ngeci uje iwuvezikisa akavezika, co uje iwusinga akasingiwa.”

Mateo 23:15

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukendangana ku mema a kalunga na ku nunda ngeci muwaneko munu umo, co omo munamutengulula, visimbu vivali mumupwisa oni munu uje napande kuya ku tuhya twa myaka yoshe ngwe yeni!

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Maako 20:22

Oloni vanalume va Isalele, valikolesele lalo, co vaakele mashwalale lalo mukulwa mu ngila ije vene ngwe muje muvalingile a litangwa lyakulivanga.