Myaso 63:1 - Livulu lya Shukulu Kalunga

¹ Yove Njambi, yove unapu u Njambi yange, njikulemesa, mbunge yange ishakezeka yove, yange njikushakezeka ngwe munjikashakezeka mema mu mambo.

Myaso 63:1 Iomraidhean Croise

2 Samwele 15:28

A simbu ije, njikavandamena ku myava yakujavukila mu mambo noo njikatambula majwi kuli yove.”

1 Mizimbu 16:14

Shukulu Kalunga ikeye Njambi yetu, akanene vushunga kwoshe-ikwoshe ano a kaye.

Yombi 8:5

Oloni ololo tengulukeni nakwimana na Njambi Muka-nzili yoshe,

Myaso 118:28

Yove wapwa u Njambi yange, njikakukandelela, co njambulula vukama vwove.

Myaso 119:81

Mbunge yange inazeye yove Shukulu Kalunga, njilinakuvandamena yove ngeci unjamene, njakulaela mu lijwi lyove.

Myaso 143:10

Njilongese kulinga cizango cove, omwo yove wapwa u Njambi yange. Munzinzime wove wauvwa, unjitwamenene mu ngila yaivwa.

Myaso 143:6

Njolwela mavoko ange kuli yove mukulombela, omwo mwonyo wange ukuzivila lihwila, ngwe lifuti lyakuminina livandamena nyonzi.

Myaso 31:14

Oloni njakulaela kuli yove Shukulu Kalunga, njendeka ngwange, “Yove u Njambi yange.”

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 5:3

Yove Shukulu Kalunga ukazivi lijwi lyange ku mutondo, co akutuuka kwa litangwa njikakombelela n̄ombelo, nakuvandamena kukumbulula kwove.

Myaso 78:34

Omo watsiileo vamo, co vaje vasaleleo velukile kuli ikeye, co vatengulukile nakulombela manene kuli ikeye.

Myaso 84:2

Njishaka ngeci njikalemo! Njishaka kukala mu Njuvo ya Shukulu Kalunga. Na mbunge yange yoshe njiimba nakujolela kuli Njambi wakuyoya.

Myaso 91:2

akendeka kuli ikeye ngwendi, “Yove wapwa vutewelo vwange na cimpaka cange! Yove wapwa u Njambi yange, kuli yove njinakulaela.”

Kutuuka 15:2

Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Kutuuka 17:3

Oloni vanu va Isalele vakele na lihwila manene, co anga vatwaleleo kulinyengela kuli Mosesa. Vendekele ngwavo, “Omo vikajo watutundisilile mu Ingito ngeci wakututsise na vana vetu na vimuna vetu ku lihwila?”

Visimo 8:17

Njizema vaje vanjizema, voshe vaje vanjishakezeka vasa kunjiwana.

Myaso ya Solomoni 5:8

Yeni vanakazi va mu Yelusalema, njikulaeseni ngeci nga muwana muka-cizemo cange, mulekeni ngweni njinazeye na lishungu.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 35:7

lishen̄avu lyakwenya likemuka lishali, co lifuti lyakuma likashula na masima a tuvwelu-vwelu. Muje mwakele vimbanje, mukamena mateve na mahongo.

Isaya 41:18

Njiketisa vindonga vya mema mukati ka malundu akuma, co masima a mema a tuvwelu-vwelu akaita mu vimbongo. Njikatengulula mambo kupwa mashali a mema, na livu lyakuma likakala na masima a mema a tuvwelu-vwelu.

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mateo 12:43

“Omo munzinzime wakujwala utunda muli munu, co wita ku lifuti kukwesi mema nakukengezekako mutambela wakuhwimina. Nga kuwasa kuwanako mwela kuje,

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

Yowano 20:17

Yesu wamulekele ngwendi, “Kesi unjikwate, omwo kanda njilonde kwilu kuli Tate. Oloni ya kuli vasamba vange ukavaleke ngwove njilinakwiluka kuli Tate ikeye Ishavo, kuli Njambi yange ikeye Njambi yavo.”

Yowano 7:37

Alitangwa lyakumaneselela likelyo litangwa lyakama lya ciwano, Yesu wemanene, co wendekele na lijwi lyakama ngwendi, “Woshe ali na lihwila aije kuli yange anwe.

1 Samwele 22:5

Co Ngande muka-kwimanena wezile kuli Ndaviti wendekele ngwendi, “Kesi utumbame kuno embwe, ya ano vene ku lifuti lya Yunda.” Co Ndaviti wakatukile waile mu shwata ya Helete.