Myaso 62:7 - Livulu lya Shukulu Kalunga

⁷ Kwovoka kwange na kasingimiko kange vyakala muli Njambi, ikeye limanya lyange lyakukola, muli Njambi mukemwo munjivanda.

Myaso 62:7 Iomraidhean Croise

Myaso 125:1

Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

Myaso 16:8

Simbu yoshe Shukulu Kalunga ali muyehi nange mukunjikwasa, co nacimo cai casa kunjizivisa lyova.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 18:46

Shukulu Kalunga wayoya! Shangazaleni muka-kunjilwila! Ambululeni vukama vwa Njambi muka-kunjamena.

Myaso 3:3

Oloni yove Shukulu Kalunga, simbu yoshe wapwa u ntelo yange yakunjizikinina ku vushonde, yove unjihyanesa nakunjitakamesa.

Myaso 4:2

Yeni vanu visimbu vingai mukanjishaula? Visimbu vingai mukazema vije vinapu vyangoco, nakukavangeya vije vinapu vya makuli?

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 85:9

Mwa vushunga kwamena kwendi kuli muyehi na vaje vamukomoka, ngeci vumpau vwendi vukale mu lifuti lyetu.

Myaso 94:22

Oloni Shukulu Kalunga ikeye muka-kunjamena, Njambi yange ikeye muka-kunjinyunga.

Myaso 95:1

Ijeni tushangazale Shukulu Kalunga! Twimbeni nakujolela kuli Njambi uje muka-kutunyunga!

Isaya 26:4

Kulaela kuli Shukulu Kalunga myaka yoshe, akatunyunga simbu yoshe.

Isaya 33:16

Asinoni mukakala mwamuvwa, ngwe muli mu cimpaka cakukola. Mukakala na vyakulya na mema akunwa.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.