Myaso 62:4 - Livulu lya Shukulu Kalunga

⁴ Yeni mushaka lika kunjitundisa mu mwela wange wa kasingimiko, yeni muvwaelela mukwendeka makuli. Mulinakwendeka majwi a cizemo, oloni mu vimbunge vyeni muli cizindo.

Myaso 62:4 Iomraidhean Croise

Myaso 119:163

Njazinda makuli, oloni njazema mashiko ove.

Myaso 28:3

Kesi unjihisile amo na vaka-vuvi, amo na vaje vaka-kulinga vuvi, vanu vaje vaka-majwi akuseveleka, oloni vimbunge vyavo vinashulu na vizindo.

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Myaso 51:6

Kukulaela na vushunga vikevyo viwashaka, njishulise na mana ove.

Myaso 52:3

Uzema manene vuvi kutuvakana vuvwa, co uzema manene makuli kutuvakana kwendeka vushunga. Yove muka-makuli,

Myaso 55:21

Majwi endi apwile amavwa kutuvakana mavele akukonda, oloni mu mbunge yendi mwakele cizindo, majwi endi apwile amavwa kutuvakana mazi, oloni apwile akuvambuka ngwe vimoko vya mukwale.

Visimo 13:5

Vaka-vushunga vazinda makuli, oloni majwi a vaka-vuvi apwa a shwamwa nakuviililisa.

Visimo 6:17

Kulyalesa nakwendeka makuli, kutsiya vanu vakujeneka mulonga,

Isaya 30:13

Ngecivene, mulonga weni unapu ngwe civumbe cacilaja cije cili na mwanzi wakutunda kwilu nakweta kwisi, co vwasi-vwasi ciwila asi.

Hoziya 7:3

Shukulu Kalunga alinakwendeka ngwendi, “Vanu valinakukwisa mwene na vamyata vendi a matumbe avo amavi.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 22:15

Asinoni vaFaliseo vaile nakutumba vutumbe ngeci vakamweseke na vihula.

Mateo 22:23

A litangwa lije vene vaSanduki vamo vezile kuli Yesu nakwendeka ngeci vanu kuvakasanguka ku vatsi.

Mateo 27:1

Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye.

Luka 11:39

Co Mwene wendekele kuli ikeye ngwendi, “Kenga, yeni vaFaliseo mukajelesa nganja na lilonga akamwa, oloni mukati munashulu na muuka na vuvi.

Luka 20:20

Ngecivene, vakengelelele simbu yaivwa. Co vaanene lizika-kanwa kuli vanu vamo valipwise ngwe vaka-vushunga, co vavatumine kuli Yesu ngeci vakamweseke na vihula ngeci vamwane ku moko na ku nzili ya Nguvulu wa vaLoma.

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Loma 7:22

Omwo njivwaelela mu Lishiko lya Njambi mukati ka muvila wange.

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.