Myaso 60:1 - Livulu lya Shukulu Kalunga

¹ Unatumbila kuti yove Njambi, ngeci vanatufungulula, unaluvala netu, oloni ololo tukwase.

Myaso 60:1 Iomraidhean Croise

2 Samwele 10:16

Mwene Handandezele wasanene vaSilya vaje vakele mu kangombe ka yambi ku mutambela wa Ndonga ya Yufuleti, vezile ku Helame akushika kwa Shovake, muka-kushika nzita ya Mwene Handandezele wa ku Zova.

2 Samwele 5:20

Ngecivene, Ndaviti waile ku Mbale Pelazime, co wakafungulwile vaFilisitiya kuje. Asinoni wendekele ngwendi, “Shukulu Kalunga nakupula vitozi vange ngwe mema a livazi.” Ngeci mutambela uje vautumbwile ngwavo Mbale Pelazime.

2 Samwele 8:14

Watungile vilombo vya mashwalale mu Endome mwoshe, co vanu vamwo vapwile vindungo vendi. Co Shukulu Kalunga wahyanesele Ndaviti kwoshe-ikwoshe kwaile.

2 Samwele 8:3

Co lalo wafungulwile Mwene Handandezele, muna Lehombe wa mu lifuti lya Zova mu Silya, omo Handandezele waile nakwilwisa vumwene vwendi mu lifuti lya Ndonga ya Yufuleti.

2 Vimyene 14:7

Amaziya watsiile mashwalale va Endome 10,000 mu Cana ca Mwongwa, co wafungulwile nganda ya Sela mu nzita, co wailukile lizina ngwendi Njoketele, lizina eli na lelo lino kulicili.

1 Mizimbu 18:3

Co kutunda aje, Ndaviti walwisile lalo Mwene Handandezele wa lifuti lya Silya ku Zova, kuyehi na lifuti lya Hamate, omwo Handandezele wesekele lalo kukala na moko ya lifuti lya ku Ndonga ya Yufuleti.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 25:11

Amaziya wasimpile, co watwamenenene mashwalale vendi ku Cana ca Mwongwa. Valwililile kuje, co vatsiile mashwalale va vaEndome vakupwa 10,000,

Myaso 108:11

Mwa vushunga vene kuma unatuvyana ndi? Kuma kuwasa kuya amo na mashwalale vetu ndi?

Myaso 44:9

Oloni ololo unatuvyana nakutwecelela ku vitozi vetu ngeci vatufungulule, co kuwesi nakwenda lalo amo na mashwalale vetu.

Myaso 59:1

Njamene ku vitozi vange yove Njambi yange, njinyunge kuli vaje vanjilwisa!

Myaso 59:11

Kesi uvatsiye yove Njambi, nambe vanu vange kesi vevale kuhyana kwove. Yove Shukulu Kalunga cimpaka cetu! Vashandole na nzili yove nakuvafungulula.

Myaso 60:10

Mwa vushunga vene kuma unatuvyana ndi? Kuma kuwasa kwenda amo na mashwalale vetu ndi?

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Myaso 79:9

Tukwase nakutwamena yove Njambi, tupatule nakutusambesa, omwo lizina lyove.

Myaso 80:1

Yove Kanyungi ka Isalele, tolilila kuli yetu, tutolilile, yove ntwama ya vutanga. Yove unatumbama akamwa ya vakelumbi,

Myaso 80:3

Yove Njambi tupwise vaka-nzili lalo! Tukenge na mema ku mbunge ngeci twovoke.

Myaso 85:4

Twamene yove Njambi muyoyesi wetu, co likele kuluvala netu!

Myaso 89:19

Ku san̄ulu wendekele mu cimona kuli vangamba vove va kulongwa ngwove, “Njinakwasa lishwalale wa nzili, njinamwangula akati ka vanu, nakumutsimanesa.

Myaso 89:3

Yove wendekele ngwove, “Njinalingi cikumiiyo na uje injinaangula, njinalisingi na ngamba yange Ndaviti,

Myaso 89:38

Oloni yove unaluvala na mwene uje iwangwile, unamuvyana nakumuseza.

Myaso 89:7

Yove wapwa wakujujwisa mu munga ya vaka-kujela, co vukama vwove vwapwa vwakukomokesa kuli voshe vaje vali mwilu.

Myaso 90:13

Vukalu vwove vukahwa simbu mukajo yove Shukulu Kalunga? Tetela vangamba vove!

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

1 Samwele 13:11

oloni Samwele wendekele kuli ikeye ngwendi, “Vika unalingi?” Co Saulu wamukumbulwile ngwendi, “Vanu vakele nakunjiseza, co yove lalo kuwezile vwasi ngwe muwendekele, co kuwezelelako lalo, vaFilisitiya valinakulikungulwila ku Mikemashe.

1 Samwele 4:17

Co uje muka-kwambulula wamukumbulwile ngwendi, “Isalele vanatewa kuli vaFilisitiya, kutufungulula oku kwapwile kwakutukomokesa manene! Co lalo, vana vove, Hofene, na Finehase vanavatsii, na Cikasa ca Cikumiiyo ca Njambi vanacambata!”