Myaso 59:5 - Livulu lya Shukulu Kalunga

⁵ Ija unjikwase yove Shukulu Kalunga Njambi Muka-nzili yoshe. Yove Njambi wa Isalele! Hisa vaka-kujeneka kukukulaela, kesi uzivile ngozi vaka-kulinga vuvi na vitangwizi.

Myaso 59:5 Iomraidhean Croise

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

Myaso 54:3

Vanu vaka-kulyalesa valinakwija nakunjilwisa, vaka-muuka vashaka kunjitsiya, vanu vaje kuvashakele Njambi.

Myaso 55:15

Vitozi vange vatse vwasi omo kanda simbu yavo ya kutsa yete, vanapande kuya mu vukalo vwa vatsi oku vaciyoya! Nzili ya vuvi ikeyo ilinakuvapangesa.

Myaso 7:7

Mbunga ya vanu voshe valikungulwile kuli yove, omo utumbama a litanda lyove lya vumwene.

Myaso 80:4

Yove Shukulu Kalunga Njambi Muka-nzili yoshe, visimbu vingaijo ukaluvala na malombelo a vanu vove?

Myaso 84:8

Ziva lilombelo lyange, Shukulu Kalunga Njambi Muka-nzili yoshe, yove Njambi ya Yakomba.

Myaso 9:15

Vaka-kujeneka kukulaela, vanendi mbulu nakuwilamo. Myanja yavo inatsi mu myeto yavo vavenya.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 18:23

Oloni Shukulu Kalunga, yove wazivuka matumbe avo oshe akunjitsiya. Kesi uvasambese a vuvi vwavo nakuvecela ku milonga yavo. Vawisile asi uvafungulule, vanyanyamese mu simbu ya vukalu vwove.”

Ndanyele 6:7

Yetu voshe tulinakutwamenena mu vumwene vwove, vaka-kutwamenena, na vanguvulu, na vaka-kwimanena mu myela ya vanguvulu, na vamyata veka, tunalizivasana ngwetu yove shukulu unapande kwaka lishiko nakulipangesa manene na nzili. Shika ngwove a matangwa makumi atatu naumo wai akalombela kuli njambi weka, nambe kuli munu weka kuvanga kuli yove shukulu. Woshe uje akajomboka lishiko eli vanapande kumumbila mu mbulu ya vindumba.

Amose 9:7

Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito.

Loma 9:6

Kunjendeka ngwange cikulaeso ca Njambi cinonwa embwe, omwo kesi vanu voshe va Isalele vanapu vanu va Njambi embwe.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.