Myaso 59:16 - Livulu lya Shukulu Kalunga

¹⁶ A mutondo njikaimba a nzili yove, njikaimba nakutambeka a cizemo cove cije kucesi kutenguluka. Omwo yove wapwa cimpaka cange, cimpaka cange a litangwa lya tuyando.

Myaso 59:16 Iomraidhean Croise

2 Samwele 22:3

Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa. Ikeye muyoyesi wange, ikeye muka-kunjinyunga nakunjamena, ku vukalu vwoshe.

Yombi 15:23

co makuvi vanavandamena kulya muvila wendi. Ikeye nazivuka ngeci litangwa lya lisusulungu lili kuyehi,

Yombi 37:23

Nzili ya Njambi inapu yakama ngeci kutwasa kushwenya kuli ikeye, napu wa kulongwa na vushunga mukupanga kwendi na vanu.

Myaso 101:1

Njikaimba kuli yove Shukulu Kalunga, njikaimba mwaso wa a kulongwa kwove na vushunga vwove.

Myaso 106:8

Nameme ngoco Shukulu Kalunga wavamenene, ngwe muje muwavakulaesele, ngeci uvamwese nzili yove yakama.

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 143:8

A mutondo a mutondo, njanukise vya cizemo cove, cije kucesi kutenguluka omwo njinakulaela kuli yove. Malombelo ange ete kuli yove, njimwese ngila munjinapande kwendela.

Myaso 145:11

Vakendeka vya vumpau vwa vumwene vwove, nakwambulula a nzili yove,

Myaso 21:13

Tukushangazala yove Shukulu Kalunga, omwo nzili yove yapwa yakama! Tukaimba nakushangazala nzili yove.

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 31:7

Njikavwaelela nakujolela, omwo cizemo cove cije kucesi kutenguluka. Unamono tuyando twange, yove uzivuka n̄avava yange.

Myaso 36:5

Shukulu Kalunga, cizemo cove cije kucesi kutenguluka cinete na mu melu, kulongwa kwove kunete ku mashelwa.

Myaso 4:1

Omo njitambeka njikumbulule, yove Njambi, muka-kunjamena! Omo njakele mu vukalu, yove wanjamenene, njizivileko mema ku mbunge, co ziva lilombelo lyange!

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 5:3

Yove Shukulu Kalunga ukazivi lijwi lyange ku mutondo, co akutuuka kwa litangwa njikakombelela n̄ombelo, nakuvandamena kukumbulula kwove.

Myaso 77:2

A simbu ya n̄avava njilomba kuli Shukulu Kalunga, vutsiki njijundula mavoko ange nakulombela, oloni kunjalizembelekele.

Myaso 86:13

Omo vukama vwa cizemo cove kuli yange cije kucesi kutenguluka, unanjamena ku kutsa na ku mbumbo.

Myaso 88:13

Njilomba kuli yove Shukulu Kalunga ngeci unjikwase, co mutondo-tondo lilombelo lyange lyete ku mesho ove.

Myaso 89:1

Yove Shukulu Kalunga, simbu yoshe njikaimba vya cizemo cove cije kucesi kutenguluka, co njikambulula kulongwa kwove ku myaka yoshe.

Kutuuka 15:6

“Yove Shukulu Kalunga, livoko lyove lya nzili lya cilyo linapu lyakukomokesa na nzili, linashandangana vitozi voshe njwa!

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Loma 15:9

co ngeci, nameme vaje kesi vaYunda vashangale Njambi omwo mema ku mbunge endi. Ngwe muvyendeka visoneka ngwavyo, “Ngecivene, njikakushangazala akati ka vaje kesi vaYunda, njikaimba nakukushangazala.”

2 Kolinte 1:10

Watutundisile mu vushonde vwakama vwa kutsa, co ikeye watwovwele, akatwovola lalo, tunakulaeleni kuli ikeye ngeci akatwovola lalo,

Efeso 3:20

Kuli ikeye a nzili ije ilinakupanga muli yetu asa kupanga manene kutuvakana vije twasa kumulomba, nambe kutuvakana vije vitwasa kuyongola,

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”