Myaso 57:1 - Livulu lya Shukulu Kalunga

¹ Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 57:1 Iomraidhean Croise

Myaso 125:1

Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

Myaso 13:5

Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

Myaso 142:1

Njitambeka kuli Shukulu Kalunga ngeci anjikwase, njilambelela Shukulu Kalunga ngeci anjizivileko mema ku mbunge.

Myaso 2:12

tsembeni myanja yendi, kutewa aluvala ngeci munyonge vwasi-vwasi, omwo vukalu vwendi vushwama vwasi. Vavezika voshe vaje vatewela muli ikeye.

Myaso 36:7

Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

Myaso 56:1

Njizivileko mema ku mbunge yove Njambi, omwo vanu valinakunjilwisa, simbu yoshe vitozi vange valinakunjiyandesa.

Myaso 58:1

Kuma yeni vaka-kushwana mukasompo mwa vushunga ndi? Kuma yeni mukasompo vanu voshe cifwa cimo ndi?

Myaso 59:1

Njamene ku vitozi vange yove Njambi yange, njinyunge kuli vaje vanjilwisa!

Myaso 61:4

Njitave njikale nove myaka yoshe, ngeci njiwane kwoloka mu mambava ove.

Myaso 63:7

omwo wapwa u mukwasi wange. Co njiimba nakujolela, mu munzinze wa mambava ove.

Myaso 75:1

Tukukandelela yove Njambi, tukukandelela! Twambulula vukama vwove na vilinga vyove vyakukomokesa viwunalingi!

Myaso 9:10

Voshe vaje vasingimika lizina lyove, vasa kukulaela kuli yove, omwo yove Shukulu Kalunga wapwa wa kulongwa kuli vaje vanakulaela kuli yove.

Myaso 91:1

Woshe uje yanamena Shukulu Kalunga, woshe uje yanyunga Muka-nzili yoshe,

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Myaso 91:9

Omwo Shukulu Kalunga wapwa vutewelo vwove, unalyangwila wa Akamwa ya Akamwa kupwa cimpaka cove,

Isaya 10:25

Mu kasimbu kakandondo lika, njikalikela kumihisa, asinoni njikavanyongesa.

Isaya 26:20

Vanu vange, koveleni mu vinjuvo vyeni, co lishokeyeyenimo. Vandeni kasimbu kakandondo lika, noo vukalu vwa Njambi vunahu.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Luka 13:34

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Yowano 16:20

Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

Kwituluka mu Mashiko 9:26

Co njalombelele kuli Shukulu Kalunga ngwange, ‘Yove Shukulu Kalunga wa Akamwa ya Vyoshe, kesi unyongese vanu vove vaje vawapatwile na nzili yove yakama kuvatundisa mu Ingito na livoko lyove lya nzili.

Kujombolola 21:4

Akasikumuna misozi yoshe ku mesho avo. Co kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”

1 Samwele 22:1

Ndaviti watewele kutunda mu nganda ya Ngate, co waile ku linzenzengoma lya kuyehi na nganda ya Andulame. Omo vandolome vendi na naanga yoshe vazivile ngwavo ali kuje, co vaile nakuliwana nendi.

1 Samwele 24:3

Saulu wetele ku limba lya vimanga kumukulo wa ngila, kwakele linzenzengoma, wakovelelemo nakuhwiminamo. Kuma Ndaviti na vanu vendi vakele mukati-kati ka linzenzengoma.

1 Samwele 24:4

Co vanu va Ndaviti vendekele kuli ikeye ngwavo, “Kenga, eli likelyo litangwa lyatumbwile Shukulu Kalunga ngwendi, ‘Njikaka citozi cove mu mavoko ove, ukasa kulinga nendi mwoshe muushakela.’ ” Co Ndaviti wakalavele waile wakavatwile nanga ku mukundwilo wa cikoveyo ca Saulu kwakujeneka Saulu kuzivuka.

1 Samwele 24:8

Co Ndaviti watuukile lalo, wamukavele munima, wamusanene ngwendi, “Shukulu!” Co Saulu watengulukile nakukenga kunima, co Ndaviti watsikamene asi nakulemesa,

1 Samwele 26:9

Oloni Ndaviti wendekele kuli Avishai ngwendi, “Kesi umuvulumune! Shukulu Kalunga akahisa woshe uje avulumuna uje yanavwavesa.”