Myaso 56:4 - Livulu lya Shukulu Kalunga

⁴ Njinakulaela kuli Njambi, co kunjizivi lyova, njimushangazala omwo a vije vyanakulaesa. Munu asa kunjilinga vikajo?

Myaso 56:4 Iomraidhean Croise

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

2 Mizimbu 20:4

Vanu va mu Yunda valikungulwile amo vatundile mu vinganda vyoshe vya mu Yelusalema vehwile Shukulu Kalunga ngeci avatwamenene,

Myaso 118:6

Shukulu Kalunga ali amo nange, kunjizivi lyova, munu asa kunjilinga vikajo?

Myaso 119:160

Majwi ove oshe apwa a vushunga, mashiko ove oshe apwa a vushunga ku myaka yoshe.

Myaso 12:6

Vikulaeso vya Shukulu Kalunga vyapwa vya vushunga, vinapu vyavivwa ngwe siliva yakujelesa mu lutengo visimbu vitanu na vivali.

Myaso 138:2

Njikalemesa ku Njuvo yove yakujela, nakushangazala lizina lyove, omwo cizemo cove cije kucesi kutenguluka na kulongwa kwove, omwo unaalesa mashiko ove, kutuvakana lizina lyove.

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Yowano 10:35

Tunazivuka ngeci visoneka vinendeka vushunga ku myaka yoshe, co Njambi watumbwile vaje vanu vinjambi, vanu vaje vaanene majwi endi.

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.