Myaso 54:6 - Livulu lya Shukulu Kalunga

⁶ Yove Shukulu Kalunga, njikakukombelela n̄ombelo ya cizango, njikakandelela manene lizina lyove, omwo yove wapwa uwamuvwa.

Myaso 54:6 Iomraidhean Croise

Myaso 107:22

Vanu vanapande kumukombelela vin̄ombelo vya cikandelela, nakwambulula vilinga vyendi mu myaso yakujolela!

Myaso 116:17

Njikakukombelela n̄ombelo ya cikandelela, nakulombela mu lizina lyove.

Myaso 118:7

Shukulu Kalunga ali amo nange mukunjikwasa, co njikafungulula vitozi vange.

Myaso 140:13

Mwa vushunga vaka-vushunga vakakushangazala, vakakala amo nove.

Myaso 147:1

Shangazaleni Shukulu Kalunga! Mwamuvwa kwimba myaso kuli Njambi yetu yakumushangazala, cinapu cacivwa na vushunga kumushangazala.

Myaso 21:13

Tukushangazala yove Shukulu Kalunga, omwo nzili yove yapwa yakama! Tukaimba nakushangazala nzili yove.

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Myaso 52:9

Njikakukandelela yove Njambi ku myaka yoshe, omwo vije viwunalingi ku mesho a vanu vove, co njikambulula ngeci yove wapwa uwamuvwa.

Myaso 7:17

Njikandelela kuli Shukulu Kalunga, omwo ya vushunga vwendi, njikaimba myaso yakushangazala Shukulu Kalunga, wa Akamwa ya Akamwa.

Myaso 92:1

Mwamuvwa kushangazala Shukulu Kalunga, nakwimba myaso ya kushangazala lizina lyove Njambi wa Akamwa ya Akamwa,

Isaya 50:7

Oloni kunjishaula kucasa kunjizivisa shwamwa, omwo Shukulu Kalunga wa Akamwa ya Vyoshe anjikwasa. Njazivuka ngeci kunjikazivi shwamwa,

Isaya 50:9

Shukulu Kalunga wa Akamwa ya Vyoshe ikeye muka-kunjimanena, iyajo anjana mulonga? Vaka-kunjivangeya voshe vakahwa njwa, vakanyonga ngwe nanga yakuliwa ku tunembulu.