Myaso 53:6 - Livulu lya Shukulu Kalunga

⁶ Nga kwamena kwa Isalele kwatundile ku Siyone! Omo Njambi akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 53:6 Iomraidhean Croise

Ezela 3:11

Vembile nakushangazala Shukulu Kalunga, nakumukandelela ngwavo, “Shukulu Kalunga wapwa wamuvwa, cizemo cendi kuli Isalele capwa ca ku myaka yoshe.” Munu na munu watambekele manene na nzili yendi yoshe, mukushangazala Shukulu Kalunga, omwo vipangi vyakwinda luvula lwa Njuvo ya Shukulu Kalunga vyashangumukile.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Yombi 42:10

Asinoni, omo Yombi walombelele vasamba vendi vatatu, co Shukulu Kalunga wamuwezelele nakumwingisilamo luvali ku vije vyakele navyo akulivanga.

Myaso 14:7

Kwamena kwa Isalele kwije kutunda ku Siyone! Omo Shukulu Kalunga akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 50:2

Njambi alinakutwila ceke cendi mu Siyone, nganda ije yaivwa manene.

Myaso 85:1

Unavezikisa lifuti lyove yove Shukulu Kalunga, unalingisa vyuma vyoshe kupwa vyavivwa ku vatekulwila va Yakomba.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 31:23

Shukulu Kalunga Muka-nzili yoshe, Njambi ya Isalele, alinakwendeka ngwendi, “Omo njikelwisila vanu mu lifuti lyavo, vakendeka lalo mu lifuti lya mu Yunda na mu vinganda vyamwo ngwavo, ‘Shukulu Kalunga avezikise lilundu lyakujela lya Yelusalema, mwela wakujela kuje kwakala.’

Njwele 3:1

Shukulu Kalunga alinakwendeka ngwendi, “A simbu ije njikelwisa vivezikiso vya Yunda na Yelusalema.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

VaLevi 26:36

“Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.