Myaso 53:3 - Livulu lya Shukulu Kalunga

³ Oloni voshe vanatengulukila kweka, voshe vanapu vavavi, naumo wai nalingi mwamuvwa akati kavo, nameme umo wai.

Myaso 53:3 Iomraidhean Croise

2 Samwele 20:2

Ngecivene, vaIsalele vasezele Ndaviti, co vaile na Shemba, oloni vanalume va Yunda vakavele Ndaviti, kutunda ku Yondau nakweta ku Yelusalema.

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Myaso 14:3

Oloni voshe vanalingi vuvi, voshe vanapu vavavi, naumo wai nalingi mwamuvwa akati kavo, nameme umo wai.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Loma 3:12

Voshe vanatenguluka kutunda kuli Njambi, voshe vanalingi vuvi, naumo wai akalingi cuma ca vushunga, nameme umo wai.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

1 Yowano 2:29

Mwazivuka ngweni Kilistu wapwa wa vushunga, ngecivene, munapande kuzivuka ngweni woshe alinga vyavivwa napu muna Njambi.

3 Yowano 1:11

Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.

Kujombolola 22:11

Woshe uje alinga vuvi acitwaleo kulinga vuvi, co woshe uje alinga vya vunyengwe acitwaleo vene kulinga vya vunyengwe, woshe uje alinga vuvwa acitwaleo kulinga vuvwa, co woshe uje najele acitwaleo kupwa wakujela.”