Myaso 52:9 - Livulu lya Shukulu Kalunga

⁹ Njikakukandelela yove Njambi ku myaka yoshe, omwo vije viwunalingi ku mesho a vanu vove, co njikambulula ngeci yove wapwa uwamuvwa.

Myaso 52:9 Iomraidhean Croise

Esita 5:11

Co walishashele kuli vakevo a vufuko vwakele navwo, na vana vangai wakele navo, na ngila ije vamujundwile nayo kuli mwene kupwa wakama, na vukama vuje vwakele navwo kutuvakana vamyata vakwavo.

Myaso 146:2

Njikashangazala Shukulu Kalunga mukuyoya kwange kwoshe! Njikaimba mwaso wakushangazala Njambi yange, mukuyoya kwange kwoshe.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Myaso 30:12

Ngecivene, kunjikoloka kuluu embwe, njikaimba nakukushangazala. Shukulu Kalunga, yove u Njambi yange. Njikakukandelela ku myaka yoshe.

Myaso 40:1

Njavandamenene Shukulu Kalunga nakusimpa ngeci anjikwase, asinoni wazivile mutambi wange.

Myaso 54:6

Yove Shukulu Kalunga, njikakukombelela n̄ombelo ya cizango, njikakandelela manene lizina lyove, omwo yove wapwa uwamuvwa.

Myaso 62:1

Kukwesi kweka kwakutewela kuvanga kuli Njambi lika, kwamena kwange kutunda kuli ikeye.

Myaso 62:5

Kukwesi kweka kwakutewela kuvanga kuli Njambi lika, omwo cinyangavili cange citunda kuli ikeye.

Myaso 73:28

Oloni ngeci mwange ni, mwamuvwa kukala kuyehi na Njambi! Shukulu Kalunga wa Akamwa ya Vyoshe, njinamupwisa cimpaka cange, co njikambulula vilinga vyendi vyoshe.

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.