Myaso 51:6 - Livulu lya Shukulu Kalunga

⁶ Kukulaela na vushunga vikevyo viwashaka, njishulise na mana ove.

Myaso 51:6 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Yombi 32:8

Oloni unapu Munzinzime wa Njambi Muka-nzili yoshe, uje ukaija kuli vanu nakuvana mana.

Yombi 38:36

Iyajo naaka mana mu mashelwa, nambe iya naana mana akuzivisisa?

Myaso 125:4

Shukulu Kalunga linga mwamuvwa kuli vaje vanapu vavavwa, linga lalo mwamuvwa kuli vaje vononoka mashiko ove.

Myaso 15:2

Uje ononoka Njambi simbu yoshe nakulinga vyakushungama, co endeka vushunga mu mbunge yendi,

Myaso 26:2

Njiilule nakunjeseka yove Shukulu Kalunga. Eseka mbunge yange na viyongola vyange.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 41:5

Vitozi vange valinakwendeka vyuma vyavivi ali yange, vendeka ngwavo, “Mwaka ukajo akatsa ngeci lizina lyendi linyonge?”

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Visimo 2:21

Vaka-vushunga, vakevo vakujeneka mulonga vakakala muno mu lifuti.

Visimo 2:6

Shukulu Kalunga akana mana, kuli ikeye kutunda mana nakuzivisisa.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Luka 11:39

Co Mwene wendekele kuli ikeye ngwendi, “Kenga, yeni vaFaliseo mukajelesa nganja na lilonga akamwa, oloni mukati munashulu na muuka na vuvi.

Loma 7:22

Omwo njivwaelela mu Lishiko lya Njambi mukati ka muvila wange.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”