Myaso 51:19 - Livulu lya Shukulu Kalunga

¹⁹ Asinoni ukavwaelela na vin̄ombelo vyavivwa, na vin̄ombelo vyetu vya kwenyeka, co vakakombelela vingombe va nkomba a mutula wove.

Myaso 51:19 Iomraidhean Croise

2 Vimyene 22:19

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njikaupwisa mwela wakukomokesa, co vanu vakapangesa lizina lyawo kupwa cisingo. Oloni njazivi lilombelo lyove,

Myaso 118:27

Shukulu Kalunga ikeye Njambi yetu, ikeye natutwila ceke, shangumukeni ciwano oku munakwata minango ya maputa mu mavoko eni, co yeni nakuzenguluka mutula.

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Myaso 4:5

Kombeleleni vin̄ombelo vya vushunga kuli Shukulu Kalunga, co kulaeleni muli ikeye.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Malakiya 3:3

Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.