Myaso 51:18 - Livulu lya Shukulu Kalunga

¹⁸ Yove Njambi, zivila ngozi Siyone nakuyikwasa, co tungulula vivumbe vya Yelusalema.

Myaso 51:18 Iomraidhean Croise

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Myaso 102:16

Omo Shukulu Kalunga akatungulula Siyone, co vumpau vwendi vukasholoka.

Myaso 147:2

Shukulu Kalunga atungulula Yelusalema, elwisa vanu va mu Isalele ku vunzinda.

Myaso 25:22

Yove Njambi, amena Isalele ku tuyando twendi twoshe!

Myaso 40:7

co njakumbulwile ngwange, “Yange uno, kulikundika kwange kuli yove vanacisoneka mu livulu lyove.

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 58:12

Vanu veni vakatungulula vingundu vyalaja. Vanu vakamizivuka ngwavo yeni mwatungulula vivumbe vije vyasiwukile, munendula vinjuvo vije vyasiwukile.”

Isaya 62:1

Njikendeka nakutakamesa Yelusalema, kunjikoloka kuluu embwe kuvanga noo inovoka, co kuhyana kwendi kukavyazima ngwe ndeya ku vutsiki.

Njelemiya 51:50

Shukulu Kalunga alinakwendeka kuli vanu vendi vali mu Mbambilone ngwendi, “Munaputumuka ku kutsa! Ololo yeni! Kesi mutumbame! Nameme muli kulyala na kwimbo, anukeni yange Kalunga Njambi yeni, co anukeni Yelusalema.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Mika 6:7

Kuma Shukulu Kalunga akavwaelela nga njimutwalela vimanga vavangi-vangi nameme mazi amangi a olive a kuhwa? Kuma njasa kumwana munange wa ntwatwa kupwa n̄ombelo yakufweta vuvi vwange ndi?

Mika 7:11

Vanu va mu Yelusalema, simbu yakutungulula vivumbe vya nganda ilinakwija. A simbu ije vene lifuti lyeni likapwa lyakama.

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Efeso 1:5

Njambi waciyongwele laja ngeci ali Yesu Kilistu ikeye akatupwisa tu vana vendi, eci capwile cakumuvwasa na vutumbe vwendi vavenya.

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.

2 Tesalonika 1:11

Eci cikeco cuma tulinakumilombelela simbu yoshe. Tulinakulomba Njambi yetu ngeci amipwise vaje vanapande mwonyo uje wamisanenene ngeci muyoyemo. Ashulise na nzili yendi lilaku-laku lyeni lyoshe lyalivwa nakumanesa vipangi vyeni vyakukulaela.