Myaso 51:12 - Livulu lya Shukulu Kalunga

¹² Njivwaesele kujolela kwakwamena kwove, nakunjipwisa muka-kukwononoka.

Myaso 51:12 Iomraidhean Croise

Myaso 119:133

Njinyunge ngwe muje muwanjikulaesele, kesi utave njiwe, co lalo kesi utave vuvi vunjifungulule.

Myaso 13:5

Oloni njinakulaela cizemo cove cije kucesi kutenguluka, mbunge yange ikajolela omwo unanjovola.

Myaso 17:5

Visimbu vyoshe njinende mu ngila yove, co kunjatundilemo.

Myaso 19:13

Njinyunge mwamuvwa ku vuvi vwa cizango, kesi utave vunjishwane. Ngecivene, njikapwe wakulumbunuka nakupatuka ku vuvi.

Myaso 21:1

Mwene ajolela omwo yove Shukulu Kalunga unamwana nzili, avwaelela omwo unamuhyanesa.

Myaso 24:4

Kuvanga vaje vanajele mu vimbunge, nakulinga vipangi vyavivwa, vaje kuvesi kulemesa tumponya, nambe kulinga mazivasano a makuli.

Myaso 35:9

Asinoni njikajolela muli Shukulu Kalunga, co njikavwaelela omwo nanjamena.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

Luka 1:47

mwonyo wange uvwaelela omwo Njambi Muyoyesi wange,

Loma 14:4

Yove iyajo ngeci uhise ngamba yambala? Kuvanga uje shukulu yendi ikeye aangula nga uje ngamba alinga mwamuvwa nambe onwa. Co alinga mwamuvwa, omwo Mwene ikeye amulingisa ngeci alinge mwamuvwa.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

2 Kolinte 3:17

Co ololo lijwi “Mwene” mu majwi awa linemanena Munzinzime, co kuje kuli Munzinzime wa Mwene, kukekwo kuli kupatuka.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,