Myaso 51:11 - Livulu lya Shukulu Kalunga

¹¹ Kesi unjitundise ku mesho ove, co lalo kesi unjitundise munzinzime wove wakujela.

Myaso 51:11 Iomraidhean Croise

Kushangumuka 4:14

Kenga ku litangwa lya lelo unanjisheke mu lifuti lino na ku mesho ove lalo. Yange kunjikakala na limbo, njikapwa muka-kwendangana lika ano asi, co munu woshe akanjiwana akanjitsiya.”

Kushangumuka 6:3

Co Shukulu Kalunga wendekele ngwendi, “Mwonyo wange kuukakala mu vanu ngeci vakayoye myaka yoshe embwe, omwo vanapu cisemwa ca vusitu lika. Kutunda ano kuvakayoyo kutuvakana myaka 120.”

2 Samwele 7:15

Oloni kunjikatundisa livoko lyange kuli ikeye ngwe munjalingile kuli Saulu, uje injatundisile ngeci yove upwe mwene.

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

Myaso 43:2

Yove unapu u cimpaka cange, omwo vikajo unanjisezela? Omwo vikajo njilinakuyandela ku muuka wa vitozi vange?

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Myaso 71:9

Kesi unjumbile kuti omo njinakuluvala, co kesi unjiseze omo njinazeye!

Njelemiya 7:15

Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Luka 11:13

Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

Loma 8:9

Oloni yeni kumwesi mu vusitu, oloni muli mu Munzinzime, nga Munzinzime wa Njambi akala muli yeni. Woshe uje kesi na Munzinzime wa Kilistu, co Kilistu kesi muli ikeye.

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

2 Tesalonika 1:9

Co vakayanda na n̄avava ya myaka yoshe, nakuvangununa ku mesho a Mwene na ku vumpau vwendi vwakama,

Maako 13:25

Co Munzinzime wa Shukulu Kalunga wezile na nzili ali ikeye omo wakele mukati ka Zola, na Eshetawole mu Cilombo ca Ndani.

Maako 15:14

Co omo wetele ku Lehi, vaFilisitiya vamushatukilile, nakutambeka manene, co Munzinzime wa Shukulu Kalunga wezile na nzili yakama ali ikeye, co ikeye washutwile mikole ije ivakutile ku mavoko endi, ngwe ashutozola mikole yakuvola.

Maako 16:20

Asinoni watambekele ngwendi, “Samusoni! VaFilisitiya vanaija!” Co ikeye wendukile wayongwele ngwendi, “Njikacakunuka nakupatuka ngwe visimbu vyoshe.” Co Samusoni kazivukile ngeci Shukulu Kalunga namuseze embwe.

1 Samwele 10:10

Omo Saulu na ngamba yendi vetele ku Ngimbeya, waliwanene na mbunga ya vaka-kwimanena. Co vwasi-vwasi Munzinzime wa Njambi wezile na nzili ali ikeye, co nendi wambulwile vuka-kwimanena akati kavo.

1 Samwele 16:14

Co Munzinzime wa Shukulu Kalunga watundile muli Saulu, ngecivene, Shukulu Kalunga watumine munzinzime wauvi, co wamuyandesele.