Myaso 51:10 - Livulu lya Shukulu Kalunga

¹⁰ Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Myaso 51:10 Iomraidhean Croise

Myaso 24:4

Kuvanga vaje vanajele mu vimbunge, nakulinga vipangi vyavivwa, vaje kuvesi kulemesa tumponya, nambe kulinga mazivasano a makuli.

Myaso 35:10

Njikendeka kuli Shukulu Kalunga na mbunge yange yoshe ngwange, “Kukwesi umo wakulifwa nove! Yove ukanyungu vaka-kuzeya kuli vaka-nzili, ukanyungu kautu kuli muka-kumuyandesa!”

Myaso 73:1

Mwa vushunga Njambi wakala na ngozi ku Isalele, kuli vaje vanajele mu vimbunge.

Myaso 78:37

omwo vimbunge vyavo kuvyapwile vya vushunga, kuvapwile vaka-kukulaela cikumiiyo cije valikumiiye na Njambi.

Myaso 78:8

Vakevo kuvakapu ngwe vakukulwila vavo, vanu vakukaluwa vimbunge nakujeneka kwononoka, vanu vaje kuvakulaelele Njambi, co kuvapwile va kulongwa kuli ikeye.

Visimo 20:9

Iyajo asa kwendeka ngwendi, “Viyongola vyange vyapwa vyakujela, njinajele ku vuvi vwange?”

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 36:37

Shukulu Kalunga wa Akamwa ya Vyoshe alinakwendeka ngwendi, “Yange njikatava lalo vaIsalele kulomba vukwasi kuli yange, co njikavatava lalo vaIsalele vakatume manene ngwe matanga a vimanga.

Mateo 5:8

“Vanavezika vaje vaka-kujela mu vimbunge, omwo vakamona Njambi!

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kolose 3:10

co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

Tito 3:5

ikeye watwovwele. Kesi ngwe ku vilinga vyetu vavenya vyakushungama vitwalingile embwe, oloni omwo ku kutetela kwendi vavenya ngeci watwovwele, ali Munzinzime Wakujela uje natwana kusemuka kwakuhwa na mwonyo wauha akutukusha.

Yakomba 1:8

Munu wa vimbunge vivali akapelyangela mu vingila vyendi vyoshe.

Yoshwa 14:14

Ngecivene, Hevelone na lelo lino yapwa vushwana vwa naanga ya Kalembi muna Njefune kaKeni, omwo ikeye wakulaelele nakwononoka Shukulu Kalunga Njambi ya Isalele na mbunge yendi yoshe.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.