Myaso 51:1 - Livulu lya Shukulu Kalunga

¹ Njizivileko mema ku mbunge yove Njambi, omwo a cizemo cove cije kucesi kutenguluka, omwo mema ku mbunge ove apwa akama, zimangana vivi vyange!

Myaso 51:1 Iomraidhean Croise

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

Nehemiya 4:5

Kesi uvasambese ku vuvi vuvalinakulinga, kesi wivale vuvi vwavo, omwo vanatushaula yetu vaka-kutunga.”

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 106:7

Omo vakukulwila vetu vakele mu Ingito, kuvazivukile vilinga vyakukomokesa vya Shukulu Kalunga, vevalele vukama vwa cizemo ca Shukulu Kalunga cije kucesi kutenguluka, co vakutengulukilile yove Njambi Muka-nzili yoshe kuje ku Lishali Lyakuvenga.

Myaso 109:21

Oloni yove Shukulu Kalunga wa Akamwa ya Vyoshe, njikwase ngwe muwakulaesele, co njipatule omwo cizemo cove cije kucesi kutenguluka capwa cacivwa.

Myaso 119:124

Njimwese cizemo cove cije kucesi kutenguluka, co njilongese mashiko ove.

Myaso 145:9

Shukulu Kalunga wapwa wamuvwa kuli voshe, muka-kutetela vyuma vyoshe vije vyatangele.

Myaso 4:1

Omo njitambeka njikumbulule, yove Njambi, muka-kunjamena! Omo njakele mu vukalu, yove wanjamenene, njizivileko mema ku mbunge, co ziva lilombelo lyange!

Myaso 40:11

Shukulu Kalunga njazivuka kuukalikela kunjizivilako mema ku mbunge! Cizemo cove cije kucesi kutenguluka na kulongwa kwove vikanjinyunga simbu yoshe.

Myaso 5:7

Oloni omwo a cizemo cove cakama cije kucesi kutenguluka, njikakovela mu Njuvo yove, co njikalemesa mu Njuvo yove yakujela.

Myaso 51:9

Fwika mesho ove kesi ukenge ku vuvi vwange, zimangana vuvi vwange vwoshe.

Myaso 69:13

Njilomba kuli yove Shukulu Kalunga, njikumbulule yove Njambi, a simbu ije iwunaangula, njikumbulule omwo cizemo cove cije kucesi kutenguluka, omo wanyunga cikulaeso cove nakwamena.

Myaso 69:16

Njikumbulule yove Shukulu Kalunga, omwo cizemo cove cije kucesi kutenguluka capwa cacivwa, nakutetela kwove kuje kwakama manene, njitolilile!

Myaso 77:9

Kuma Njambi nevala kukala na mema ku mbunge ndi? Kuma vukalu vwendi vunatundisa kutetela kwendi ndi?”

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Njelemiya 18:23

Oloni Shukulu Kalunga, yove wazivuka matumbe avo oshe akunjitsiya. Kesi uvasambese a vuvi vwavo nakuvecela ku milonga yavo. Vawisile asi uvafungulule, vanyanyamese mu simbu ya vukalu vwove.”

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Vilinga vya Miluwa 3:19

Tengulukeni, asinoni ilukeni kuli Njambi, ngeci amisambese ku vivi vyeni. Nga mulingamo,

Kolose 2:14

watundisile cishimbikiya ca makongo etu na mshiko aco, co wacitundisile akucishukika a cilindakano.