Myaso 50:3 - Livulu lya Shukulu Kalunga

³ Njambi yetu aija, oloni kaija noloka kuluu embwe, tuhya twakunyongesa tuli kulutwe lwendi, na lihunzi lyakama linamuzengeleka.

Myaso 50:3 Iomraidhean Croise

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Myaso 68:20

Njambi yetu wapwa Njambi muka-kutwamena, ikeye wapwa Njambi, Shukulu Kalunga uje muka-kutupatula ku kutsa.

Myaso 83:1

Kesi woloke kuluu embwe yove Njambi, kesi ulisingimike, nambe kesi utumbame kuluu embwe!

Myaso 96:13

ku mesho a Shukulu Kalunga, omwo aija nakusompa vanu voshe vali ano asi. Akasompa kaye na vanu mu vushunga.

Kutuuka 19:18

Co vwisi vwafwikile Munkinda woshe wa Sinai, omwo Shukulu Kalunga washulukilileo mu tuhya. Co vwisi vwatundileo vwafwile ngwe vwisi vwa mu lutengo lwakama, vanu voshe valijajelele manene.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Ezekiyele 1:4

Njakengele mwilu, co njamwene lihunzi lyakama lilinakwizilila ku kunto. Co muhyato wakele nakuhyahyata mu lishelwa lyakama, na lilu lije lyalizengelekele lyakele nakuvyazima. Kwakele muhyato wakele nakuhyahyata, co cuma cimo cafwile ngwe vunengu cavyazimine.

Ndanyele 7:10

co tuhya twakele nakutundililako oku twezoka ngwe mema a mu ndonga. Vanu vavangi-vangi vamupangelele. Co vanu vakupwa 1,000,000 vemanene kulutwe lwendi mukumupangela. Vashangumukile kusompa, co vafukwile mavulu.

VaLevi 10:2

Aje vene Shukulu Kalunga watumine tuhya, twavenyekele nakuvatsiila kuje vene ku mesho a Shukulu Kalunga.

Hambakuke 3:5

Ikeye atuma mishongo kulutwe lwendi, co ashika kutsa ngeci kumukave.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Kwituluka mu Mashiko 9:3

Ngecivene, zivukeni ku litangwa lya lelo ngweni Shukulu Kalunga Njambi akaya kulutwe lweni ngwe tuhya twa vukalu manene, ikeye akavanyongesa nakuvafungulula ku mesho eni, ngecivene, mukavasheka nakuvanyongesa vwasi-vwasi, ngwe mwamikulaesele Shukulu Kalunga.

VaHevelu 12:29

omwo Njambi yetu mwa vushunga wapwa tuhya twakunyongesa.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!