Myaso 50:16 - Livulu lya Shukulu Kalunga

¹⁶ Oloni Njambi alinakwendeka kuli muka-vuvi ngwendi, “Omwo vikajo wambulwila vizilika vyange? Nambe kutumbula cikumiiyo cange na kanwa kove?

Myaso 50:16 Iomraidhean Croise

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Visimo 26:7

Ngwe mendi a munu wakutenguka, mukemwo mwanafu na majwi a mana atunda mu kanwa ka cilema.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 48:22

“Shukulu Kalunga alinakwendeka ngwendi, Kukwesi kwoloka kuli vaka-vuvi.”

Ezekiyele 18:27

Omo muka-vuvi alikela kulinga vuvi, co alinga vije vya vushunga na vuvwa, alinakwamena mwonyo wendi.

Yowano 4:24

Njambi ikeye Munzinzime, co vaje vamulemesa, vanapande kumulemesa mu munzinzime na mu vushunga.”

1 Kolinte 9:27

Oloni Njilinakukolesa muvila wange na vin̄ombe nakuwononwesa, kutewa omo njinasana veka ku vweho, co yange vakanjivyane.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.

2 Petulu 2:15

Vanaseza ngila yakushungama, co vanazimbalesa ngila yavo, vanakavangeya ngila yakavele Mbalame muna Mbeole, uje wazemene vimbongo vije vyakawana a vilinga vyavivi,