Myaso 50:15 - Livulu lya Shukulu Kalunga

¹⁵ Tambekeni kuli yange a litangwa lya tuyando, co njikamyamena, co mukanjishangazala.”

Myaso 50:15 Iomraidhean Croise

2 Vimyene 20:2

Hezekiya wakengesele cihanga cendi ku civumbe, co walombelele ngwendi,

2 Mizimbu 20:9

ngeci nga vukalu vumo vuvakovelela nakuvahisa, nambe nzita, nambe mushongo wakulitambwisa, nambe njala, vakevo vakaija nakwimana kulutwe lwa Njuvo eyi muvakakulemesela. Co mu vukalu vwavo vakalombela kuli yove, co ukavaziva nakuvapatula.”

Yombi 22:27

Omo ulombela, co ikeye akakukumbulula, co ukanyunga cisingo ciwalisingile.

Myaso 107:19

Asinoni mu tuyando twavo, vatambekele kuli Shukulu Kalunga, co wavamenene ku tuyando twavo.

Myaso 107:28

Asinoni mu tuyando twavo vatambekele kuli Shukulu Kalunga, co wavamenene ku vukalu vwavo.

Myaso 120:1

Omo njakele mu tuyando, njatambekele kuli Shukulu Kalunga, co ikeye wanjikumbulwile.

Myaso 22:23

“Mushangazaleni, yeni vangamba va Shukulu Kalunga! Musingimikeni, yeni vatekulwila va Yakomba! Mulemeseni, yeni vanu va Isalele!

Myaso 34:5

Vaka-kuyanda vakenga kuli ikeye, co vajolela, kuvakazivi shwamwa.

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Myaso 4:2

Yeni vanu visimbu vingai mukanjishaula? Visimbu vingai mukazema vije vinapu vyangoco, nakukavangeya vije vinapu vya makuli?

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Myaso 77:2

A simbu ya n̄avava njilomba kuli Shukulu Kalunga, vutsiki njijundula mavoko ange nakulombela, oloni kunjalizembelekele.

Myaso 77:3

Omo njanuka Njambi, co njilinyenga omo njiyongola, co njizeya manene.

Myaso 81:7

Omo mwakele mu tuyando mwatambekele kuli yange, co njamyamenene, njamikumbulwile mu lishelwa lyakuluma, co njamyesekele ku masima a tuvwelu-vwelu a ku Meliva.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Myaso 86:7

Omo njili mu vukalu njilombela kuli yove, omwo yove ukanjikumbulula.

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Njelemiya 39:17

Oloni yange Kalunga, njikakunyunga, oloni kuvakakwana ku mavoko ava vanalume vaulinakuzivila lyova.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Yowano 15:8

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

Vilinga vya Miluwa 16:25

Oloni mukati ka vutsiki Paulu na Silasi vakele nakulombela nakwimba myaso kuli Njambi, co vaje vinzinda vakele mu kamenga vavatolililile.

Yakomba 5:13

Kwali umo akati keni alinakuyanda ndi? Napande kulomba. Kwali umo alinakuvwaelela ndi? Napande kwimba vishangazala.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.

Maako 15:19

Asinoni Njambi washokolwele lisima mu livu kuje ku Lehi, co mema atuukilemo. Samusoni wanwile mema, co washangumukile kuziva mwamuvwa. Ngecivene, lije lisima valilukile ngwavo Hakole, na lelo lino kulicili ku Lehi.