Myaso 5:5 - Livulu lya Shukulu Kalunga

⁵ Vaka-kulyalesa kuvakemana ku mesho ove, yove wazinda voshe vaka-kulinga vuvi.

Myaso 5:5 Iomraidhean Croise

Myaso 1:5

Vaka-vuvi Njambi akavahisa, co Njambi akavaangununa ku vanu vendi.

Myaso 10:3

Muka-vuvi alyalesa na mashungu a mu mbunge yendi, co muka-cipululu asinga nakuvyana Shukulu Kalunga.

Myaso 11:5

Ikeye alinakwilula vaka-vushunga na vaka-vuvi, oloni wazinda vaka-kapopolwezi na mbunge yendi yoshe.

Myaso 130:3

Nga yove Shukulu Kalunga ukalava milonga yetu, co iyajo akovoka?

Myaso 14:1

Vilema vendeka ngwavo, “Njambi waiko!” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

Myaso 73:3

omwo njamwene vaka-kulyalesa, na vaka-vuvi vavezika.

Myaso 75:4

Njendekele na vaka-kulyalesa ngwange, ‘Kesi mulyalese,’ co na vaka-vuvi ngwange, ‘Kesi mulishashe.’

Myaso 92:6

Munu wa mana kasa kuvizivuka, na cikolokomba kasa kuvizivisisa,

Myaso 94:8

Yongoleni yeni vaka- mana! Eni vikolokomba simbu mukajo mukakala na mana?

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 15:9

Shukulu Kalunga akazivi vunyengwe a vingila vya vaka-vuvi, oloni wazema vanu vaje valinga vya vushunga.

Visimo 8:5

Kanda mukole ndi? Lilongeseni kupwa ngwe vakulunu. Kuma mu vilema ndi? Lilongeseni kukala na mana.

Muka-kwambulula 5:4

Omwo ulisinga cisingo kuli Njambi, kesi wishwale kucilinga. Njambi kesi kuvwaelela na vilema. Linga vije unamukulaesa.

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

VaLevi 20:23

Co kesi mukakavangeye vilinga vya vanu vaje valinakukala muje. Njilinakushekamo vaje vaka-kujeneka kunjikulaela yange Kalunga, ngeci mwase kukovela mu lifuti lije. Vakevo vananjizivisa shwamwa manene a vilinga vyavo vyoshe vyavivi.

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 7:23

Asinoni njikavakumbulula ngwange, ‘Kunjimizivuka. Tundeni kuli yange, yeni vaka-kulinga vyavivi!’