Myaso 5:3 - Livulu lya Shukulu Kalunga

³ Yove Shukulu Kalunga ukazivi lijwi lyange ku mutondo, co akutuuka kwa litangwa njikakombelela n̄ombelo, nakuvandamena kukumbulula kwove.

Myaso 5:3 Iomraidhean Croise

Yombi 34:28

Vasindiiye tuutu kulilila kuli Njambi, co Njambi wazivile mutambi wavo wakuvakwasa.

Myaso 119:147

Omo litangwa kanda lituuke, njilombela kuli yove ngeci unjikwase, njinaka cinyangavili cange mu majwi ove.

Myaso 130:2

Shukulu Kalunga ziva kutambeka kwange, tolilila ku mutambi wange ngeci unjikwase!

Myaso 130:6

Njilinakuvandamena Shukulu Kalunga, kutuvakana vaka-kunyunga omo vavandamena kutuuka kwa litangwa, eyo, njilinakuvandamena Shukulu Kalunga kutuvakana vaka-kunyunga omo vavandamena kutuuka kwa litangwa.

Myaso 145:1

Njikakwalesa Njambi yange na mwene yange, njikashangazala lizina lyove ku myaka yoshe.

Myaso 22:2

Mutanya woshe njitambeka kuli yove Njambi yange, oloni kuwesi kunjikumbulula, njitambeka vutsiki vwoshe, oloni kunjesi kujuka embwe.

Myaso 44:5

Mu nzili yove tukafungulwila asi vitozi vetu. Mu lizina lyove tukalyatangela vaka-kutulwisa.

Myaso 55:17

Kulinyenga kwange nakukemanga kwange, vilinakweta kuli ikeye mutondo, na mutanya, na vutsiki, co ikeye aziva lijwi lyange.

Myaso 69:16

Njikumbulule yove Shukulu Kalunga, omwo cizemo cove cije kucesi kutenguluka capwa cacivwa, nakutetela kwove kuje kwakama manene, njitolilile!

Myaso 74:12

Oloni yove Njambi, tunde ku san̄ulu unapu u mwene yetu, unatwamena visimbu vyavingi.

Myaso 84:4

Vavezika vaje vali mu Njuvo yove, simbu yoshe valinakwimba nakukushangazala!

Myaso 88:13

Njilomba kuli yove Shukulu Kalunga ngeci unjikwase, co mutondo-tondo lilombelo lyange lyete ku mesho ove.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Mbimbi 3:56

Omo njakulambelelele ngeci utolilile ku mutambi wange, co yove wanjizivile.

Mako 1:35

Co alikaki mutondo-tondo, simbu kanda kukye, Yesu wendukile, co watuukile mu njuvo. Waile mu mambo endi lika nakulombela.