Myaso 49:15 - Livulu lya Shukulu Kalunga

¹⁵ Oloni Njambi akanjamena, akanjamena ku nzili ya kutsa.

Myaso 49:15 Iomraidhean Croise

Kushangumuka 5:24

Inoke wendele na kulitombola na Njambi simbu yendi yoshe, co kuvamumwene lalo, omwo Njambi wamutwalele mwilu.

Myaso 31:5

Mu mavoko ove njikundika mwonyo wange, yove Shukulu Kalunga Njambi wa vushunga, yove unanjikulu.

Myaso 56:13

omwo unanjovola ku kutsa, co unanjamena kukunjifungulula. Ngecivene, njenda ku mesho a Njambi, mu ceke cije cilinakutwa ali vaka-kuyoya.

Myaso 73:24

Yove unjitwamenena na mana ove, co akukotoka ukanjitambula na kasingimiko.

Myaso 86:13

Omo vukama vwa cizemo cove kuli yange cije kucesi kutenguluka, unanjamena ku kutsa na ku mbumbo.

Myaso 89:48

Munu iyajo asa kuyoya, co akeneke kutsa? Iyajo asa kwamena mwonyo wendi, ku nzili ya vukalo vwa vatsi?

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Luka 23:46

Yesu watambekele na lijwi lyakama ngwendi, “Tate! Njikundika munzinzime wange mu mavoko ove.” Omo wamanesele kwendeka ngeci, co watulile mwonyo wendi.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Vilinga vya Miluwa 7:59

Co vakele nakwasha mamanya Setefano omo wakele nakulombela ngwendi, “Mwene Yesu tambula munzinzime wange!”

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.