Myaso 49:14 - Livulu lya Shukulu Kalunga

¹⁴ vakevo vanavasompela kutsa ngwe vimanga, co kutsa kukekwo kukapwa kanyungi kavo. Vaka-vushunga vakashwana akamwa yavo, omo mivila yavo ilinakusosonyoka mu vukalo vwa vatsi kulyala na membo avo!

Myaso 49:14 Iomraidhean Croise

Yombi 21:13

Vakevo vayoya mu kwoloka, co vaya mu vukalo vwa vatsi kujeneka tuyando.

Yombi 21:26

Oloni voshe vatsa mu cifwa cimo nakuvatsinda mu livu, co mainyo akavavumba.

Yombi 30:23

Njazivuka ngwange ulinakunjitwala ku kutsa, ku njuvo ije ivavwaesela vaka-kuyoya voshe.

Yombi 4:21

Vyoshe vije vyalinavyo vakamunyekavyo, atsa, oloni anga acijeneka mana.’

Myaso 30:5

Omwo kuluvala kwendi kwa kasimbu lika, oloni vuvwa vwendi vwapwa vwa simbu yoshe. Kulila kukakalako a simbu ya vutsiki, oloni kujolela kukakalako ku mutondo.

Myaso 39:11

Yove ukahisi vuvi vwa munu akumwendekela, co ukanyongesa vufuko vwendi ngwe mwakavunyongesa kanembulu. Mwa vushunga munu napu wangoco ngwe lihunzi!

Myaso 44:11

Yove watavele ngeci vatutsiye ngwe vimanga, co watushandwelele ku mafuti eka.

Myaso 47:3

Ikeye watwasesele kufungulula vitozi vetu, ikeye watwasesele kushwana miyati yoshe.

Myaso 9:17

Kutsa kukekwo mamaneselelo a vaka-vuvi, na voshe vaje vavyana Njambi.

Muka-kwambulula 12:7

Mivila yetu ikeluka ku livu, oloni mwonyo ukeluka kuli Njambi uje watwanenewo.

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Ndanyele 7:22

Asinoni uje wakala ku myaka yoshe wezile, wambulwile kusompa kwakushangazala vanu va Njambi wa Akamwa ya Akamwa. Simbu inete ngeci vanu va Njambi vatambule nzili yakushwana.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Malakiya 4:3

A litangwa lije omo njikalinga, mukafungulula vaka-vuvi, co vakapwa ngwe likungu mwisi ya myanja yeni.

Luka 22:30

Yeni mukalya nakunwa nange mu Vumwene vwange, co mukatumbama a matanda nakusompa miyati likumi na ivali ya Isalele.

Loma 8:36

Ngwe muvyendeka visoneka ngwavyo, “Omwo lizina lyove tuli mu vushonde vwa kutsa simbu yoshe, valinakutupwisa ngwe vimanga vaje valinakuya nakuvatsiya.”

1 Kolinte 6:2

Kuma kumwazivukile ngweni vanu va Njambi vakasompa vaka-kaye ndi? Co nga mukasompa vaka-kaye, kuma kumwasa kusompa vin̄anda vyavindondo ndi?