Myaso 49:11 - Livulu lya Shukulu Kalunga

¹¹ Vimbumbo vyavo vikevyo membo avo a ku myaka yoshe, kuje kukekwo kuvakatumbama simbu yoshe, nameme laja vakele na lifuti lyavo.

Myaso 49:11 Iomraidhean Croise

Kushangumuka 4:17

Kaini wakele amo na munakazi wendi, co vakitile mwana wa munalume, vamulukile lizina lyendi Inoke. Co Kaini watungile limbo nakuliluka lizina lya munendi Inoke.

2 Samwele 18:18

Omo Avisalome wakele nakuyoya, walitungilile limanya lya canukiso cendi vavenya mu Cana ca Mwene, omwo ikeye kakele na mwana wakushwana lizina lyendi. Ngecivene, walukile limanya lije lizina lyendi, na ku litangwa lya lelo vacili nakulitumbula ngwavo Limanya lya Avisalome.

Myaso 10:6

Endeka mu mbunge yendi ngwendi, “Kunjikonwa embwe, co lalo kunjikakala mu tuyando.”

Myaso 39:7

Ngecivene, Shukulu Kalunga vikajo vinjikengelela? Njaka cinyangavili cange muli yove.

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Myaso 64:6

Vatumba matumbe amavi, co vendeka ngwavo, “Tunatumbu vutumbe vwavuvwa vwakutsiilamo vanu.” Mbunge na mana a munu vyapwa vyakulova!

Muka-kwambulula 2:14

Vaka-mana vasa kumona kuje valinakuya, co vilema kuvasa kumona kuvaya. Oloni njizivuka ngeci kuvindama kunavandamena yetu voshe.

Muka-kwambulula 2:21

Omwo munu apanga vipangi vyendi na mana, nakuzivuka, na vutongwe, co aseza vyoshe vije vyanawana kuli munu uje kavipangelele. Eci lalo cinapu cangoco kucavwaele!

Ezekiyele 38:10

Evi vikevyo vyalinakwendeka Shukulu Kalunga wa Akamwa ya Vyoshe kuli Ngonge ngwendi, “Omo simbu ije ikaija, co ukashangumuka kutumba vutumbe vwavuvi.

Luka 11:39

Co Mwene wendekele kuli ikeye ngwendi, “Kenga, yeni vaFaliseo mukajelesa nganja na lilonga akamwa, oloni mukati munashulu na muuka na vuvi.

Vilinga vya Miluwa 8:22

Ngecivene, tenguluka utunde ku viyongola vyove vyavivi, co lomba kuli Mwene ngeci akusambese ku viyongola vyove ngwe evi.

Kwituluka mu Mashiko 3:14

Njaile mutekulwila wa Manase, ikeye wafungulwile lifuti lyoshe lya Alengove. Eli likelyo lyapwile lifuti lya Mbashane, nakweta ku nginga ya Ngeshule na Maka. Co ikeye walukile membo aje lizina lyendi vavenya, co na lelo lino vacili nakuwatumbula ngwavo membo a Njaile.)

1 Samwele 15:12

Alikaki mutondo-tondo, Samwele waile nakushakezeka Saulu. Co wazivile ngwavo Saulu nai ku limbo lya Kalemele, kuje watungile limanya lyakulyanukilao ikeye vavenya, co watundile lalo kuje waile ku Ngilingale.