Myaso 46:10 - Livulu lya Shukulu Kalunga

¹⁰ Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 46:10 Iomraidhean Croise

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

2 Vimyene 19:12

Vakukulwila vange vanyongesele vinganda vya Ngozane na Halane na Lezefe, co vatsiile vanu va ku Mbetendene vaje vakele mu Telasale, njambi yavo naumo wai wavamenene.

2 Vimyene 6:23

Ngecivene, mwene wa mu Isalele wavalingilile ciwano cakama manene, co omo vanali nakunwa, wavelwisilile kuli mwene wa Silya. Co kutunda aje vaSilya valikelele kulwisa lifuti lya Isalele.

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 21:13

Tukushangazala yove Shukulu Kalunga, omwo nzili yove yapwa yakama! Tukaimba nakushangazala nzili yove.

Myaso 37:15

oloni vakatsa ku mikwale yavo vavenya, co mata avo a lusipa akapokozoka.

Myaso 57:5

Mwesa vukama vwove mwilu ya melu yove Njambi, na vumpau vwove ano asi oshe!

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 2:17

Kulyaka ku vukama na kulyalesa kwa vanu kukahwa,

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Njelemiya 49:35

Wendekele ngwendi, “Njikatsiya vaka-mata a lusipa voshe vaje vanaana Elame nzili.

Ezekiyele 30:8

Omo njikenyeka Ingito, co vaje vaka-kuyivingilikiya vakatsa, asinoni vakazivuka ngeci yange njapwa Kalunga.

Ezekiyele 38:23

Mu ngila eyi njikamwesa miyati yoshe ngeci yange njapwa nji wakama, co njapwa wakujela. Asinoni vakazivuka ngeci yange njapwa Kalunga.”

Ezekiyele 39:3

Asinoni njikapokola vuta vwendi vwa lusipa vuli mu livoko lyendi lya cimoshwe nakuwisa mikili yendi ili mu livoko lyendi lya cilyo.

Mika 4:3

Asinoni akasompa vin̄anda akati ka miyati ya vanu, nakupwa muka-kusompa wa miyati yakama ya vanu kuyehi na kulyala. Vakafula mikwale yavo kupwa matemo, na makunga kupwa vimoko vyakunongesa miti. Miyati ya vanu kuvakalilwisa umo na mukwavo, co kuvakalilongesa kulwa nzita lalo embwe.

Hambakuke 2:20

Shukulu Kalunga ali mu Njuvo yendi yakujela, ngecivene, munu woshe ali ano asi oloke kuluu ku mesho endi.

Zakaliya 2:13

Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.

Yoshwa 11:6

Co Shukulu Kalunga wendekele kuli Yoshwa ngwendi, “Kesi uvazivile lyova embwe, omwo imene a simbu ino vene njikamitsiilavo voshe. Mukateta makaana a tuvalu twavo nakwenyeka matemba avo.”

Yoshwa 11:9

Yoshwa walingile kuli vakevo ngwe muje mwamushikile Shukulu Kalunga, co watetangele makaana a tuvalu twavo nakwenyeka matemba avo.

1 Samwele 17:46

Ku litangwa lya lelo vene, Shukulu Kalunga akakukundika mu livoko lyange, co njikakutsiya nakutapa mutwe wove, njikana mivila ya mashwalale va vaFilisitiya ku tuzila na ku tusitu. Co lifuti lyoshe likazivuka ngeci Njambi ali mu Isalele,

1 Samwele 2:4

“Mata a lusipa a mashwalale va nzili anapokoka, oloni vaka-kuzeya valinakukola na nzili.