Myaso 45:7 - Livulu lya Shukulu Kalunga

⁷ Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Myaso 45:7 Iomraidhean Croise

1 Vimyene 19:16

vwavesa mazi Yehu muna Nimeshi apwe mwene wa Isalele, co vwavesa mazi Elisha muna Shafete wa ku Avele Mehola akwinge apwe muka-kwimanena.

Myaso 101:8

A litangwa na litangwa njikolwesa vaka-kujeneka kukulaela vaje vali mu lifuti lyetu, njikatundisa vaka-vuvi voshe mu nganda ya Shukulu Kalunga.

Myaso 11:7

Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Myaso 21:6

Omwo unamupwisa wakuvezika ku myaka yoshe, co unamuvwaelelesa nakujolela ku mesho ove.

Myaso 33:5

Shukulu Kalunga azema vushunga na vuvwa, asi anashulu na cizemo cendi cije kucesi kutenguluka.

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Myaso 89:26

Ikeye akendeka kuli yange ngwendi, ‘Yove unapu u tate na Njambi yange, yove unapu u muka-kunjinyunga na muyoyesi wange.’

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

VaLevi 8:12

Co ikeye wetilile mazi amo akuvwava a mutwe wa Alone nakumuvwavesa mukumujelesa.

Mateo 3:15

Oloni Yesu wamukumbulwile ngwendi, “Njitave ololo vene omwo catupande kupwisamo vushunga vwoshe.” Co Yowano wamutavele.

Mateo 7:23

Asinoni njikavakumbulula ngwange, ‘Kunjimizivuka. Tundeni kuli yange, yeni vaka-kulinga vyavivi!’

Luka 13:27

Oloni akendeka lalo ngwendi, ‘Kunjizivuka oku kumutunda. Tundeni kuli yange, yeni voshe vaka-kulinga vyavivi.’

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 20:17

Yesu wamulekele ngwendi, “Kesi unjikwate, omwo kanda njilonde kwilu kuli Tate. Oloni ya kuli vasamba vange ukavaleke ngwove njilinakwiluka kuli Tate ikeye Ishavo, kuli Njambi yange ikeye Njambi yavo.”

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 2:28

Unanjimwesa vingila vitwala ku mwonyo, co njivwaelela kukala kuyehi nove.’

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

VaHevelu 1:9

Wazema vushunga, co wazinda vuvi. Ngecivene, Njambi, Njambi yove nakuvwavesa na mazi akujolela kuhyana vakweni.”

VaHevelu 2:14

Ngecivene, omo vana vanatambula ku situ na maninga, Yesu nendi lalo walipwisile ngwe vakevo watambwile cisemwa cavo ca vunu vwa ano asi. Ikeye walingile eci ngeci a kutsa anyongese uje wakele na nzili ya kutsa, ikeye vene Liyavola.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

1 Samwele 16:13

Co Samwele wambatele lilulu lya mazi a olive, wavwavesele Ndaviti ku mesho a vandolome vendi. Co aje vene Munzinzime wa Shukulu Kalunga wezile na nzili ali Ndaviti, wakele amo nendi kutunda ku litangwa lije. Asinoni Samwele welukile ku Lama.