Myaso 45:3 - Livulu lya Shukulu Kalunga

³ Maneka moko yove ya mukwale mu mbunda, yove cingenyenye, yove wapwa wa vumpau na vukama!

Myaso 45:3 Iomraidhean Croise

Yombi 1:16

Omo kanda acimanese kwendeka, co kanganda mukwavo wezile nakuleka Yombi ngwendi, “Muhyato unatsii vimanga amo na tunyungi, kuvanga ange lika njinaputumukao ngeci njinaija nakukuleka.”

Myaso 104:1

Mbunge yange ishangazale Shukulu Kalunga! Yove Shukulu Kalunga Njambi yange, yove wapwa uwakama! Yove washula na vulemu na vumpau,

Myaso 145:12

ngecivene, vanu voshe vakazivuke vilinga vyove vya nzili, na vumpau vwa vumwene vwove.

Myaso 145:5

Vanu vakambulula vumpau vwove, na vulemu vwove, co yange njikayongola a vilinga vyove vyakukomokesa.

Myaso 21:5

Vumpau vwendi vwakama omwo kukwasa kwove, unamutsimanesa nakumwamesa.

Myaso 21:7

Omwo mwene nakulaela kuli Shukulu Kalunga Muka-nzili yoshe, co omwo a cizemo cove cije kucesi kutenguluka, kakapelyangela embwe.

Myaso 96:6

Singimikeni nakushangazala Shukulu Kalunga, nzili yendi na vuvwa vwendi vili mu Njuvo yendi yakujela.

Myaso ya Solomoni 2:3

Ngwe muti wa apulu akati ka miti ya mu shwata, Mukemwo muunafu yove muka-cizemo cange akati ka vakwenje, njizema kutumbama mu munzinze wove, vushuka vwove vutovala mu kanwa kange.

Myaso ya Solomoni 5:13

Vinana vyendi vyapwa vyavivwa ngwe citungu muje muli visapa-sapa vyakunika lwengo lwaluvwa manene. Co tunwa twendi twafwa ngwe man̄anda, tulinakundweka miila.

Isaya 49:2

Ikeye walingisile majwi ange kuvambuka ngwe moko ya mukwale, nambe ngwe mukili wakushongomoka, wakukalwila cimweja. Wanjinyungile mwamuvwa na livoko lyendi.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Loma 14:9

Omwo Kilistu watsile, co wasangukile mukupwa Mwene wa vaka-kuyoya na vatsi.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

VaHevelu 8:1

Ku vyuma evi vitunendeka nsina ya lijwi, tuli naumo Muka-kukombelela Wakama uje natumbama ku livoko lya cilyo ku litanda lya Shukulu wa Akamwa ya Vyoshe mwilu.

Yunda 1:25

kuli Njambi umolika Muyoyesi wetu, ali Yesu Kilistu Mwene yetu, kukale vumpau na vukama na nzili na moko kutunda ku myaka ya ku san̄ulu na kulelo lino na ku myaka na myaka! Ewa.

Kujombolola 1:16

Ikeye wakwatele vingongonosi vitanu na vivali mu livoko lyendi lya cilyo, co mu kanwa kendi mwatuukile moko ya mukwale ya vuvela kuvali. Cihanga cendi cavyazimine ngwe misha ya litangwa lya akati ka mutwe.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.

Kujombolola 19:21

Co mbunga yavo ya mashwalale vavatsiile na moko ya mukwale ije yatundile mu kanwa ka uje walondele a kavalu, co tuzila voshe valile situ yavo ngwe muvashakelele.

Maako 3:16

Co Ehunde wafulile moko ya mukwale ya vuvela kuvali, co vulaja vwayo yapwile masentimita 50, co waikutiiye ku nyonga yendi ku livoko lya cilyo kwisi ya vuzalo vwendi.