Myaso 44:3 - Livulu lya Shukulu Kalunga

³ Vanu vove kuvafungulwile lifuti lije na mikwale yavo embwe, nambe kushwana lifuti mu nzili yavo embwe, oloni eyi yapwile nzili yove na moko yove, a lizivasano lyove, nakuvamwesa ngeci yove wavazema.

Myaso 44:3 Iomraidhean Croise

2 Samwele 7:23

Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwalingile vinashandola lutsimo lwove mu kaye mwoshe. Yove washekele miyati yeka na vinjambi vavo omo vanu vove vakele nakuya kulutwe, vanu vaje wapatwile ku Ingito ngeci vapwe vove.

2 Mizimbu 20:7

Yove Njambi yetu, washekele vavenya lifuti lino kulutwe lwa vanu vove va Isalele nakulyana kuli vatekulwila va Avilahama musamba wove, ngeci vakalemo ku myaka yoshe.

Myaso 111:6

Namwesa vanu vendi nzili ya vipangi vyendi akuvana mafuti a vaka-kwija kupwa vushwana.

Myaso 17:7

Sholola cizemo cove cakukomokesa co njamene, yove ukanjamena na livoko lyove lya cilyo ku vitozi vange.

Myaso 20:6

Ololo njazivuka ngeci Shukulu Kalunga akahyanesa mwene uje yanavwavesa, ikeye akamukumbulula kutunda mwilu muje mwakujela, co a nzili yendi yakama ya livoko lyendi lya cilyo akamuhyanesa.

Myaso 4:6

Omo kuvali vavangi valinakulombela ngwavo, “Twane vivezikiso Shukulu Kalunga! Tuzivileko mema ku mbunge!”

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:5

Omwo vikajo njinaviilila? Mbunge yange vikajo inazeyela? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 74:11

Omwo vikajo unavyana kutukwasa? Vikajo unelwisila mavoko ove kunima?

Myaso 77:15

Yove wamenene vanu vove vatekulwila va Yakomba na Yosefa, na nzili yove yakama.

Myaso 78:55

Ikeye washekelemo vavenya lifuti omo vanu vendi vakele nakuya kulutwe, co wapangezelele lifuti lyavo akati ka miyati ya Isalele, nakwana membo avo ku vanu vendi.

Myaso 80:16

Vitozi vetu vanautete, vanawenyeka na tuhya, vamwese vukalu vwove nakuvanyongesa!

Myaso 80:9

Wauvwaeselele mwela ngeci ukolelemo, co mizi yawo yaile kwisi manene, yashalavelele mu lifuti mwoshe.

Kutuuka 15:16

Lyova lyakama na munjunju vyawililile ali vakevo omwo vanamono nzili yove, Yove Shukulu Kalunga, co vakevo vemanene na lyova noo vanu vove vetile, vanu vove vaje vaunafuku.

Isaya 63:12

Nzili ya Shukulu Kalunga yapangesele Mosesa vyuma vyakama, uje wemikile mema a kalunga nakutwamenena vanu vendi a nzinga, ngeci lizina lyendi litsimane ku myaka yoshe.”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Kulava 14:8

Nga Shukulu Kalunga atava, co akatutwala mu lifuti lije nakutwanalyo, lifuti lije lya vufuko na vwilo nevi vyakujenekamo vyai.

2 Kolinte 4:7

Oloni yetu tuli na vufuko ovu tunapu ngwe vindeo vya vuma mukumwesa ngeci nzili yakushemutuka ikeyo yapwa ya Njambi, kesi yetu embwe.

Kwituluka mu Mashiko 10:15

Nameme ngoco Shukulu Kalunga wazemene vakukulwila veni manene, ngeci waangwile yeni vene vatekulwila vavo kutuvakana vanu veka.

Yoshwa 24:12

Yange njavauya-wuyisile omo mwakele nakuya kulutwe, co mwashekele vaje vimyene vavali va vaAmoli, co mikwale yeni na mata eni kuvyalingile cuma cimo cai.

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.