Myaso 44:19 - Livulu lya Shukulu Kalunga

¹⁹ Oloni yove unatwecelela ngoco mukati ka tusitu, co unatumbila mu lisusulungu vwii.

Myaso 44:19 Iomraidhean Croise

Yombi 23:11

Lindi lyange linalyata mbe mu myanja yendi, njinende mu ngila yendi nakutundamo kwai.

Yombi 3:5

Litangwa lije ulipwise lya mashelwa manene na lisusulungu, lipwe lyakufwika na mashelwa, co tundisa ceke.

Yombi 30:29

Lijwi lyange lili na vusiwa na vulika, ngwe kuvwoza kwa mbanje nambe nkumbwa.

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Myaso 38:8

Yange njinapokoka nakuzeya, omwo mbunge yange ilinakulishoshomwena, co njilila nakukemanga.

Myaso 51:8

Njizivise muyoyo wakuvwaelela nakujolela, nameme unanjitsene nakunjipokozola, oloni njikavwaelela lalo.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 35:7

lishen̄avu lyakwenya likemuka lishali, co lifuti lyakuma likashula na masima a tuvwelu-vwelu. Muje mwakele vimbanje, mukamena mateve na mahongo.

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Mateo 4:16

Vanu vaje vakele mu lisusulungu vanamono ceke. Vaje vakele mu lifuti lya lisusulungu lya kutsa, ceke cinavatwila.”

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:2

Co uje cikashama injamwene akumukenga wafwile ngwe ingwe na myanja yendi yalifwile ngwe ya mbeya na kanwa kendi ngwe kanwa ka ndumba. Co uje canza-ngombe waanene nzili yendi na litanda lyendi amo na vukama vwa moko yendi kuli uje cikashama.

Kujombolola 16:10

Asinoni kangelo wamucitanu wetilile lilonga lyendi a litanda lya uje cikashama. Co lisusulungu lyawililile akamwa ya vumwene vwa uje cikashama, co vanu valishumangele malimi avo omwo kuvavala kwavo,