Myaso 44:14 - Livulu lya Shukulu Kalunga

¹⁴ Unatupwisa cuma cakushauka akati ka miyati, valinakulipika ku mitwe yavo omwo yetu, nakutushendumuna.

Myaso 44:14 Iomraidhean Croise

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

2 Vimyene 19:21

Shukulu Kalunga nendeka ngwendi, “Nganda ya Yelusalema inakuzindi, co ilinakukujola yove Senakelivi.

2 Mizimbu 7:20

co njikamitundisa mu lifuti lyange lije linjamyanene, co lalo njikavyana Njuvo eyi injinajelesa kupwa mwela wakunjilemesela. Co vanu voshe vakaisimutwiya nakushendumuna Isalele.”

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Yombi 16:4

Nga yeni mwapwile ngwe yange, nange ngwe njapwile ngwe yeni, nga njasa kwendeka vyuma vyoshe vije mulinakwendeka. Nga njasa kumipikisila mutwe wange, nakumisindakana na majwi amangi.

Yombi 17:6

Co ololo vanu valinakupangesa cisimo eci ali yange, co vaija nakunjijekwila mu luholo lwange.

Myaso 109:25

Omo vanu vanjimona, co vanjishendumuna nakulipika ku mitwe yavo.

Myaso 123:3

Tuzivileko mema ku mbunge Shukulu Kalunga, eyo, tuzivileko mema ku mbunge, omwo vanatushaula manene!

Myaso 22:7

Voshe vaje vanjikenga vanjishendumuna, nakulipika ku mitwe yavo.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Isaya 37:22

Shukulu Kalunga nendeka ngwendi, “Nganda ya Yelusalema ilinakujola yove, Senakelivi, nakukushendumuna.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Kwituluka mu Mashiko 28:37

Ku mafuti kuje kwakamishandwela Shukulu Kalunga, vanu vakalisimoka akumona vije vyalingiwa kuli yeni, co vakamishendumuna nakumijola.