Myaso 43:1 - Livulu lya Shukulu Kalunga

¹ Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Myaso 43:1 Iomraidhean Croise

2 Samwele 15:31

Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 16:20

Co Avisalome watengulukilile kuli Ahitofele wendekele ngwendi, “Ololo tuli kuno, vika utuleka ngeci tuvilinge?”

2 Samwele 18:8

Nzita yakele mu lifuti mwoshe, vanu vavangi vatsililile mu shwata kutuvakana vaje vavatsiilile mu nzita.

Myaso 140:5

Vaka-kulyalesa vananjitela mweto, vanatanduvula mikole ngwe linimbwa, vananjitela myeto kumukulo wa ngila ngeci njitsemo.

Myaso 26:1

Yove Shukulu Kalunga, njakwile mu vushunga akujeneka mulonga, omwo njikalingi vya vushunga, nakukukulaela na mbunge yange yoshe.

Myaso 35:1

Shukulu Kalunga, yeluwisa vaje vanjiyeluwisa, co lwa na vaje vanjilwisa!

Myaso 35:24

Yove Shukulu Kalunga Njambi yange, njisompe ngwe ku vushunga vwove, co kesi utave vitozi vavwaelele ali yange!

Myaso 5:6

Yove Shukulu Kalunga unyongesa voshe vaka-makuli, nakuzinda vaka-kutsiya na vaka-kukwisa.

Myaso 54:3

Vanu vaka-kulyalesa valinakwija nakunjilwisa, vaka-muuka vashaka kunjitsiya, vanu vaje kuvashakele Njambi.

Myaso 7:7

Mbunga ya vanu voshe valikungulwile kuli yove, omo utumbama a litanda lyove lya vumwene.

Myaso 7:8

Shukulu Kalunga, yove lyaako wa vanu voshe. Njisompe nakuwana ngeci yange kunjesi na mulonga.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Myaso 71:4

Yove Njambi yange, njipatule ku livoko lya vaka-vuvi, nakunjitundisa ku livoko lya vaka-muuka na vaka-vuvi.

Myaso 75:7

Njambi lika ikeye lyaako, ahisa munu umo nakusambesa mukwavo.

Visimo 22:23

Omwo Shukulu Kalunga ikeye muka-kuvalwila, co vyoshe vije ulinga kuli vakevo, Shukulu Kalunga akavilinga lalo kuli yove.

Visimo 23:11

Shukulu Kalunga ikeye muka-kuvalwila wavo wa nzili, akavasompelako milonga yavo yakuvalwisa.

Mika 7:9

Tunavulumwina Shukulu Kalunga. Ngecivene, tunapande kuyanda omwo kuluvala kwendi noo atwamena.

1 Kolinte 4:4

Citaku-taku cange cinapu cakulumbunuka, oloni kucimwesa ngeci njinapu wakujeneka mulonga. Mwene ikeye anjisompa.

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”