Myaso 42:4 - Livulu lya Shukulu Kalunga

⁴ Mbunge yange ipokoka omo njanuka vya kunima, omo njaile na mbunga ya vanu ku Njuvo ya Shukulu Kalunga, co njavatwamenenene omo vakele nakunjikava munima, yapwile mbunga yakuvwaelela, vembile nakutambeka nakushangazala Njambi.

Myaso 42:4 Iomraidhean Croise

2 Vimyene 18:30

Kesi mumutave amisindiye kujendamena ali Shukulu Kalunga. Kesi muyongole ngweni Shukulu Kalunga akamyamena, ngeci avindike mashwalale vetu vaAsilya kufungulula nganda yeni embwe.

2 Vimyene 18:32

noo mwene namyaka mu lifuti lyakulifwa ngwe lyeni, muje muli vitungu vya mikolovozi ya vushuka vwa vinyu, na tiliku yakulinga vunga vwa makende, likelyo lifuti lya olive na mazi a olive na vuki. Nga mulinga evi vyamishika, kumukatsi, oloni mukayoya. Kesi mutave Hezekiya amikwise akuyongola ngeci Shukulu Kalunga akamipatula.

2 Mizimbu 7:10

co a litangwa lyamumakumi avali na atatu ku ngonde yamucitanu na vivali, Solomoni washikile vanu veluke ku membo avo. Co voshe vamushangazalele a vivezikiso vyoshe vije vyaanene Shukulu Kalunga kuli vanu vendi va Isalele, na kuli Ndaviti, na kuli Solomoni.

Yombi 29:2

“Nga njikala ngwe munjakele vingonde vyalaja ngwe ku matangwa aje omo Njambi wanjinyungile.

Myaso 100:4

Kandeleleni omo mukovela mu vikolo vya Njuvo yendi, shangazaleni lalo omo mukovela mu vimbanja vyendi. Kandeleleni nakushangazala lizina lyendi!

Myaso 102:10

omwo vukalu vwove nakuluvala kwove, unanjumbila kuti.

Myaso 115:2

Omwo vikajo vanu vatwihula ngwavo, “Njambi yeni ali kulijo?”

Myaso 122:1

Njavwaelelele manene omo vanjilekele ngwavo, “Tuyeni ku Njuvo ya Shukulu Kalunga!”

Myaso 122:8

Omo ali vavushoko vange na ali vasamba vange, njendeka kuli yove Yelusalema ngwange, “Kwoloka kukale amo nove!”

Myaso 55:14

Twakele nakusimutwiya majwi amavwa amolika, co twakele nakulemesa amo na mbunga mu Njuvo ya Shukulu Kalunga.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Myaso 79:10

Omwo vikajo miyati vatwihula ngwavo, “Njambi yeni ali kulijo?” Linga shambandinga miyati akutsiya vangamba vove.

Myaso 80:6

Yove unatava miyati ije inatuzengeleka kutulwisa, vitozi vetu valinakutushaula.

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

Mbimbi 2:19

Induka-induka vutsiki vwoshe ngeci ulombele kuli Shukulu Kalunga, ngeci ecele mbunge yove nakumulomba ngeci akuzivileko mema ku mbunge a vana vove vaje valinakulanduka ku njala mu vimbango vyoshe vya vitapalo!

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Ezekiyele 46:10

Mwene napande kukovela mukati omo vanu vakovela mukati, co napande kutuuka omo vanu vatuuka

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Luka 16:25

Oloni Avilahama wamukumbulwile ngwendi, ‘Anuka, munange, a simbu yakuyoya kwove vakwanene vyuma vyoshe vyavivwa, oloni Lazalu watambwile vyuma vyoshe vyavivi. Ngecivene, ololo alinakujolela kuno, oloni yove uli mu tuyando twakama manene.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Lute 1:21

Omo njatundile kuno, njakele na vyavingi, oloni Shukulu Kalunga nanjiilwisa mavoko-voko. Vikajo munjitumbula ngweni Naumi omwo Shukulu Kalunga Muka-nzili yoshe nanjimwesa tuyando?”