Myaso 41:2 - Livulu lya Shukulu Kalunga

² Shukulu Kalunga akamunyunga nakumuyoyesa, co akavezika mu lifuti, kakamuseze ku mavoko a vitozi vendi.

Myaso 41:2 Iomraidhean Croise

Myaso 27:12

Kesi unjikundike ku vitozi vange vaje valinakunjilwisa na makuli nakunjijujwisa.

Myaso 33:19

amena myonyo yavo ku kutsa, nakuvayoyesa a simbu ya njala ya lyangengela.

Myaso 37:22

Vaje vanavezikisa Shukulu Kalunga vakashwana mu lifuti, oloni vaje vanasingi akavashekela anja.

Visimo 11:17

Muka-ngozi anyunga mwamuvwa mwonyo wendi, oloni munu wakukaluka aliyandesa lika ikeye vavenya.

Visimo 14:21

Nga ushaka vivezikiso, kala na ngozi kuli muka-kuutwa, capwa vuvi kuyeluwisa vakweni.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 31:20

Ikeye wakala na cizemo kuli vaka-kuutwa, na kuli vaka-kujeneka.

Njelemiya 39:17

Oloni yange Kalunga, njikakunyunga, oloni kuvakakwana ku mavoko ava vanalume vaulinakuzivila lyova.

Kwituluka mu Mashiko 14:29

Vyakulya evi vinapu vya vaLevi, omwo vakevo kuvesi na mutambela nambe vushwana akati keni, na vaka-kwija, na visiwa, na vifwile, vaje valinakukala mu vinganda vyeni. Co vakevo vakaija nakwambata vyoshe vivanajeneka. Mukalinga eci, ngeci Shukulu Kalunga Njambi yeni akamivezikise mu vyuma vyoshe vimukapanga na mavoko eni.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

Lute 2:19

Naumi wamwihwile ngwendi, “Kulijo unapupulwila mbale yoshe eyi ku litangwa lya lelo? Mu lihya lyeyajo unakapangelele? Njambi avezikise munu ou nakuzivila ngozi!” Lute walekele Naumi ngwendi wakele nakupanga mu lihya lya munalume umo lizina lyendi Mbowasi.