Myaso 40:17 - Livulu lya Shukulu Kalunga

¹⁷ Shukulu Kalunga yange njapwa njiwakuzeya na kuutwa, oloni kuwanjivalele. Yove wapwa muyoyesi wange na Njambi yange, kesi wishwale mukunjamena.

Myaso 40:17 Iomraidhean Croise

Myaso 109:22

Omwo nji kautu na muka-kujeneka, co mbunge yange inapokoka.

Myaso 34:4

Njalombelele kuli Shukulu Kalunga, co wanjikumbulwile, ikeye wanjipatwile ku lyova lyange lyoshe.

Myaso 34:6

Tuutu vakatambeka kuli ikeye, co akavaziva, ikeye akavamena ku tuyando twavo twoshe.

Myaso 35:27

Vaje vashaka kumona kusamba kwange vatambeke nakujolela nakwendeka ngwavo, “Shukulu Kalunga wapwa wakama! Ikeye avwaelela akuvezika kwa ngamba yendi!”

Myaso 40:5

Unatulingila vyuma vyavingi yove Shukulu Kalunga Njambi yetu, kukwesi weka lalo wakufwa ngwe yove! Yove unatulingila matumbe amangi akukomokesa, aje kunjasa kuwatumbula oshe, anapu amangi manene.

Myaso 54:4

Oloni Njambi ikeye mukwasi wange, Shukulu Kalunga ikeye cimpaka cange!

Myaso 69:33

Shukulu Kalunga akatolilila kulila kwa vaje vanajeneka, co kakevala vanu vendi vaje vali mu kamenga.

Myaso 70:5

Njiwakuzeya na kuutwa yove Njambi zambula unjamene, yove Shukulu Kalunga yove wapwa muyoyesi wange, zambula unjamene!

Myaso 86:1

Njitolilile yove Shukulu Kalunga co kumbulula lilombelo lyange, omwo yange njikautu.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 2:23

Omo vamushawile, kelwisile lalo vituka, omo wayandele, ikeye kalishungwiiye, oloni waakele cinyangavili cendi muli Njambi, lyaako wa vushunga.

1 Petulu 5:7

Akeni vukalu vweni vwoshe ali ikeye, omwo ikeye alinakumilela.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!