Myaso 4:3 - Livulu lya Shukulu Kalunga

³ Anukeni ngeci Shukulu Kalunga nalyangwila vaka-vushunga kupwa vendi, co alinakunjiziva omo njitambeka kuli ikeye.

Myaso 4:3 Iomraidhean Croise

Myaso 31:23

Zemeni Shukulu Kalunga yeni voshe vanu vendi vakujela. Shukulu Kalunga anyunga vaka-kulongwa, oloni ahisa vaka-kulyalesa ngwe ku vilinga vyavo.

Myaso 34:15

Shukulu Kalunga akenga ali vaka-vushunga, co aziva mutambi wavo,

Myaso 49:3

Viyongola vyange vakavizivisisa, co njikendeka majwi a mana.

Myaso 50:5

Alinakwendeka ngwendi, “Njikungulwileni vanu vange vaka-kukulaela, vaje valikumiiye cikumiiyo nange akukombelela n̄ombelo.”

Myaso 56:9

Litangwa lije njikatambeka kuli yove, vitozi vange vakeluka munima, omwo njazivuka ngeci Njambi ali amo nange!

Myaso 6:8

Wazivi kulila kwange yove Shukulu Kalunga, ngecivene, tundeni kuli yange yeni voshe vaka-vuvi.

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,