Myaso 4:1 - Livulu lya Shukulu Kalunga

¹ Omo njitambeka njikumbulule, yove Njambi, muka-kunjamena! Omo njakele mu vukalu, yove wanjamenene, njizivileko mema ku mbunge, co ziva lilombelo lyange!

Myaso 4:1 Iomraidhean Croise

Yombi 36:16

“Njambi wakutundisile mu tuyando, nakutava ngeci ukale mwamuvwa, co mesa yove yashulile na mutumbo wakama wa vyakulya.

Myaso 11:7

Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.

Myaso 116:16

Yove Shukulu Kalunga mwa vushunga yange nji ngamba yove, njikakupangela ngwe muje muvalingile vene vanana. Unanjipatula ku malyenge a kutsa.

Myaso 116:6

Shukulu Kalunga akanyungu vaje voshe vanazeye, omo njakele mu vushonde, ikeye wanjamenene.

Myaso 119:132

Njanuke nakunjizivilako mema ku mbunge, ngwe muje muukalingi na voshe vaje vakuzema.

Myaso 143:2

Kesi usompese yange ngamba yove, omwo kukwesi umo wa kulongwa kuli yove.

Myaso 17:6

Njilomba kuli yove Njambi yange, omwo ukanjikumbulula, co tolilila majwi ange.

Myaso 22:1

Njambi yange, Njambi yange, vikajo unanjisezela? Vikajo unemanena kulyala kujeneka kunjikwasa, omwo njilinakukemanga?

Myaso 24:5

Shukulu Kalunga akavavezikisa nakuvamena, Njambi akavapwisa vaka-kujeneka mulonga.

Myaso 25:16

Tengulukila kuli yange yove Shukulu Kalunga, nakunjizivilako mema ku mbunge, omwo njili ange lika, co njinazeye.

Myaso 31:8

Kuwatavele ngeci vitozi vange vanjifungulule, yove wanjitavesa kuya kwoshe kunjishaka.

Myaso 41:12

Yove ukanjikwasa, omwo njikalingi vya vushunga, co njikatumbama ku mesho ove ku myaka yoshe.

Myaso 42:1

Ngwe nava ashungwiya manene vana va vindonga vya mema akutonola, nange lalo njishungwiya yove, Njambi yange.

Myaso 45:1

Mbunge yange inashulu na majwi amavwa, omo njilinakumanga mwaso ou kuli mwene, ndaka yange inafu ngwe munu uje azivuka kusoneka mwamuvwa.

Myaso 56:1

Njizivileko mema ku mbunge yove Njambi, omwo vanu valinakunjilwisa, simbu yoshe vitozi vange valinakunjiyandesa.

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 6:1

Shukulu Kalunga, kesi unjipaye nambe kunjihisa omo uluvala!

Myaso 67:1

Tuzivileko mema ku mbunge nakutuvezikisa yove Njambi, co tumwese ngozi yove,

Myaso 76:1

Njambi vamuzivuka mu Yunda, lizina lyendi lyapwa lyakama mu Isalele.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Hambakuke 3:19

Shukulu Kalunga wa Akamwa ya Vyoshe ikeye muka-kunjana nzili. Ikeye muka-kuzambwisa mendi ange ngwe shonge, nakunjikwasa ngeci njishatuke a minkinda.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 1:10

Watutundisile mu vushonde vwakama vwa kutsa, co ikeye watwovwele, akatwovola lalo, tunakulaeleni kuli ikeye ngeci akatwovola lalo,

2 Kolinte 1:8

Omwo tushaka kumyanukisa, vakwetu, a tuyando twakele natwo mu lifuti lya Asiya. Vitele vije vivatutwikile vyapwile vyakama vyakulema, ngeci kutwakele na cinyangavili cakuyoya lalo.

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”