Myaso 39:9 - Livulu lya Shukulu Kalunga

⁹ Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Myaso 39:9 Iomraidhean Croise

2 Samwele 16:10

Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

Yombi 1:21

Wendekele ngwendi, “Njasemukile mutotototo mwimo lya vanana, njikeluka lalo mutotototo. Shukulu Kalunga wanjanene, co ikeye lalo natambula. Vashangazale lizina lyendi!”

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Myaso 38:13

Oloni yange njinafu ngwe kasinda-matwi, uje kesi kuziva, co lalo njinafu ngwe munu wa kalaka, uje kesi kwendeka.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

1 Samwele 3:18

Ngecivene, Samwele wamulekele vyuma vyoshe, kamushwekeleleko cuma cimo cai. Eli wendekele ngwendi, “Ikeye napu Shukulu Kalunga, akalinga vyoshe vyashaka kulinga.”