Myaso 39:12 - Livulu lya Shukulu Kalunga

¹² Shukulu Kalunga tolilila lilombelo lyange, co tolilila ku mutambi wange, kesi woloke omo njitambeka kuli yove! Yange nji mungenzi, nji muka-kwija ngwe muvapwile vakukulwila vange voshe.

Myaso 39:12 Iomraidhean Croise

Kushangumuka 21:34

Co Avilahama wakele mu lifuti lya Filisitiya simbu yakama.

Kushangumuka 47:9

Yakomba wamukumbulwile ngwendi, “Kuyoya kwange kwakwendangana ano asi kunapu myaka 130. Myaka eyi yapwile yaindondo oloni yakukaluwa, kuyalifwile na myaka ije vakele nakwendangana vakukulwila vange.”

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

1 Mizimbu 29:15

Yove wazivuka, Shukulu Kalunga, mukuyoya kwetu yetu tunapu ngwe vindungo na vangenzi, ngwe muvapwile vakukulwila vetu. Matangwa etu anapu ngwe kwita kwa munzinze, co kutwasa kuputumuka ku kutsa.

Yombi 13:28

Omwo cuma eci, yange njinafu ngwe vungululu vwa citale cakuvola, ngwe kazaku kakuliwa ku vimenzi.

Yombi 16:20

Vasamba vange vanjishendumuna, co mesho ange alinakulila misozi kuli Njambi.

Myaso 102:1

Njitolilile omo njilombela yove Shukulu Kalunga, mutambi wange wete kuli yove ngeci unjikwase!

Myaso 116:3

Vutsi vwanjizengelekele ngwe mikole, na mishongo ya vukalo vwa vatsi yanjiwanene, co njakele mu tuyando na vusiwa.

Myaso 119:19

Yange nji mungenzi ano asi, co kesi unjishwekele mashiko ove.

Myaso 119:54

kwoshe-ikwoshe kuje kunjili, vizilika vyove vinapu myaso yange,

Myaso 56:8

Yove wazivuka muvali nakunjiyandesela, yove uzivuka vusiwa vwange. Kuma kuvaisonekele mu livulu ndi?

Myaso 90:9

Vukalu vwove vunakeesa myaka yetu yakuyoya, kuyoya kwetu kunapu kwakundondo manene.

VaLevi 25:23

“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.

2 Kolinte 5:6

Ngecivene, simbu yoshe tunasimpi manene. Twazivuka ngeci omo tucili mu muvila uno kutwesi mu njuvo ya Mwene embwe.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.