Myaso 38:12 - Livulu lya Shukulu Kalunga

¹² Vaje vashaka kunjitsiya vananjitela myeto kulutwe lwange, vaje vashaka kunjivulumuna vashungwiya kunjinyongesa, co litangwa lyoshe vatumba vutumbe vwakunjilwisa.

Myaso 38:12 Iomraidhean Croise

Yombi 19:13

“Njambi nanjishondolwesa ku naanga yange, njinapu ngwe nji mungenzi oni kuli vaje vanjizivukile,

Myaso 10:9

avandamena mu mwela wendi wavushweke ngwe ndumba, alinakuvandamena muje ngeci akwate tuutu, co avakwata nakuvakokela mu mweto wendi.

Myaso 119:110

Vaka-vuvi vananjitela mweto, oloni yange kunjasezele mashiko ove.

Myaso 140:5

Vaka-kulyalesa vananjitela mweto, vanatanduvula mikole ngwe linimbwa, vananjitela myeto kumukulo wa ngila ngeci njitsemo.

Myaso 141:9

Njinyunge ku myeto na ku vinganjo vije vananjitela vaka-vuvi.

Myaso 31:12

Voshe vananjivala, ngwe munu uje watsa laja, yange njinalifu ngwe citambi ca ndeo civanombila kuti.

Myaso 35:20

Kuvesi kwendeka majwi amavwa embwe, oloni vakendeka makuli ku vanu vaje valinakuyoya mu lifuti mu kwoloka.

Myaso 35:4

Voshe vaje vashaka kunjitsiya, vavafungulule nakuziva shwamwa! Voshe vaje vanjitumbila vutumbe vwakunjilwisa velwise munima nakuvaiya-iyisa!

Myaso 41:5

Vitozi vange valinakwendeka vyuma vyavivi ali yange, vendeka ngwavo, “Mwaka ukajo akatsa ngeci lizina lyendi linyonge?”

Myaso 54:3

Vanu vaka-kulyalesa valinakwija nakunjilwisa, vaka-muuka vashaka kunjitsiya, vanu vaje kuvashakele Njambi.

Myaso 69:9

Cizemo cange ku Njuvo yove, yove Njambi, cilinakushukuma muli yange ngwe tuhya, co kushaula kuje vakushawile kuli ali yange.

Myaso 88:9

vusiwa vunazimbisa mesho ange. A litangwa na litangwa njitambeka kuli yove Shukulu Kalunga, co njijundula mavoko ange kuli yove.

Visimo 19:7

Nga u kautu vavushoko vove vakuzinda, vasamba vove vakuzinda manene-nene, kuuvawana nameme nga uvashakezeka.