Myaso 37:6 - Livulu lya Shukulu Kalunga

⁶ akavyazimisa vushunga vwove ngwe litanya lya akati ka mutwe.

Myaso 37:6 Iomraidhean Croise

Yombi 11:17

Mwonyo wove ukavyazima kutuvakana misha ya akati ka litangwa, nameme kukakala lisusulungu, oloni likatwa ngwe ceke ca mutondo.

Myaso 31:20

Uvashweka nakuvanyunga mwamuvwa kuli yove, nakuvatundisa ku matumbe a vanu, co uvashweka mu cimpaka cacivwa, nakuvatundisa ku kashaundu ka vitozi vavo.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 58:10

aneni vyakulya kuli vaje vali na njala, nakulinga mwamuvwa vanu vaje valinakuyanda, co lije lisusulungu lyamizengeleka likemuka ceke ca mukati ka litangwa.

Isaya 58:8

“Asinoni ceke cange cikamitwila ngwe litangwa omo lituuka ku mutondo, co mukakanguka vwasi. Simbu yoshe njikakala neni nakumyamena, co vumpau vwange vukaminyunga ku mitambela yoshe.

Njelemiya 51:10

Shukulu Kalunga alinakwendeka ngwendi, “Vanu vange vatambeka ngwavo, ‘Shukulu Kalunga natumwesa ngeci kuma tunalingi mwamuvwa. Ijeni tuye tukaleke vanu va mu Yelusalema vije vyanalingi Shukulu Kalunga Njambi yetu.’ ”

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Mateo 13:43

Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.