Myaso 37:5 - Livulu lya Shukulu Kalunga

⁵ Kundika ngila yove kuli Shukulu Kalunga, kulaela kuli ikeye, co akakukwasa,

Myaso 37:5 Iomraidhean Croise

Kushangumuka 24:12

Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama.

Yombi 22:28

Co ukavezika mu vyoshe viwukalinga, co ceke cikatwa mu ngila yove.

Myaso 22:8

Co vendeka ngwavo, “Yove wakulaelele kuli Shukulu Kalunga, omwo vikajo lalo kakwamena? Nga Shukulu Kalunga wakushaka, vikajo kakukwasela?”

Myaso 55:22

Kundika tuyando twove kuli Shukulu Kalunga, co ikeye akakukwasa, ikeye kakatava muka-vushunga ngeci vamufungulule embwe.

Visimo 16:3

Kundika matumbe ove kuli Shukulu Kalunga, co ukavezika mukuya kulutwe.

Muka-kwambulula 9:1

Njayongwele manene a vyoshe evi, co njamwene ngeci Njambi ali na nzili a voshe, ali na nzili ali vaka-mana vaje vayoya mu vushunga, nameme cizemo cavo nambe cizindo cavo. Naumo wai azivuka vije vikamwizila kulutwe.

Mbimbi 3:37

Naumo wai asa kulinga cuma cimo kwakujeneka cizango ca Shukulu Kalunga.

Mateo 6:25

“Ngecivene, njimileka ngwange, kesi mulishoshomwene akuyoya kweni, ngweni tukalya vika, nambe ngweni tukanwa vika, nambe vya mivila yeni ngweni, tukazala vika. Omwo myonyo yeni ili na seo kutuvakana vyakulya. Co mivila yeni lalo ili na seo kutuvakana vyakuzala.

Luka 12:22

Asinoni Yesu wendekele kuli vandongisi vendi ngwendi, “Njimileka ngwange, kesi mulishoshomwene akuyoya kweni, ngweni tukalya vika, nambe vya mivila yeni ngweni, tukazala vika.

Yakomba 4:15

Ngecivene, munapande kwendeka ngweni, “Nga cizango ca Mwene citava, co tukayoya nakupanga eci na cije.”

1 Petulu 5:7

Akeni vukalu vweni vwoshe ali ikeye, omwo ikeye alinakumilela.

1 Samwele 12:4

Co vanu vakumbulwile ngwavo, “Embwe, kuwatukwisile nambe kutuyandesa, nambe kwambata cuma kuli munu umo embwe.”