Myaso 37:28 - Livulu lya Shukulu Kalunga

²⁸ Omwo Shukulu Kalunga wazema vije vyavivwa, ikeye kesi kuseza vanu vendi vaje vamukulaela, co ikeye akavanyunga simbu yoshe, oloni vatekulwila va vaka-vuvi vakavashekela anja.

Myaso 37:28 Iomraidhean Croise

Yombi 18:19

Co kakakala na mwana, nambe mutekulwila akati ka vana vendi, co naumo wai akasalao aje akele.

Yombi 27:14

Nambe vakakala na vana vavangi va vanalume, oloni voshe vakavatsiila mu nzita, co vana vavo kuvakakala na vyakulya vyakupwisamo.

Myaso 11:7

Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.

Myaso 21:10

Naumo wai wa ku vatekulwila vavo akasalao, voshe mwene akavatsiya.

Myaso 37:25

Njapwile nji mukwenje, ololo njinakuluvala, kanda njimone Shukulu Kalunga kwivala muka-vushunga, nambe vana vendi kulomba vyakulya.

Myaso 37:40

Shukulu Kalunga avakwasa nakuvamena, ikeye avamena ku vaka-vuvi, omwo vatewela kuli ikeye ngeci avanyunge.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Visimo 2:22

Oloni Njambi akasheka vaka-vuvi mu lifuti, vakapwa ngwe cimena civatukula mu livu.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Njelemiya 9:24

oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Yowano 15:9

Ngwe omo Tate wanjizema ngecivene, nange njamizema, kaleni mu cizemo cange.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

1 Petulu 1:5

Vinapu vyeni, akukulaela vanaminyungilavyo mwamuvwa na nzili ya Njambi yakwovoka ije inalivwaesela kusholoka a simbu yakukotoka.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.