Myaso 37:20 - Livulu lya Shukulu Kalunga

²⁰ Oloni vaka-vuvi vakanyonga, co lalo vitozi va Shukulu Kalunga vakaziluka ngwe vishani, vakahwa ngwe vwisi, co kuvakavamono lalo embwe.

Myaso 37:20 Iomraidhean Croise

Kushangumuka 19:28

Co wakengele ku Sondoma na Ngomola na mu cana mwoshe, wamwene vwisi vulinakukakama asi, vwisi vwakulifwa ngwe vwakutunda mu litende lyakama lya tuhya.

Myaso 102:3

Omwo matangwa ange alinakuhwa ngwe vwisi, co vitsiya vyange vilinakwenya ngwe cimbundi ca tuhya.

Myaso 68:2

Akavatundisa ku mesho endi, ngwe muvukapekumuka vwisi, Njambi akanyongesa vaka-vuvi, ngwe muyikanyongolokota sela mu tuhya.

Myaso 68:3

Oloni vaka-vushunga vavwaelela nakujolela ku mesho endi, mwa vushunga vene vavwaelela nakujolela.

Myaso 92:9

Yove Shukulu Kalunga, mwa vushunga vitozi vove vakavanyongesa, voshe vaka-kulinga vyavivi vakavasheka.

Visimo 2:22

Oloni Njambi akasheka vaka-vuvi mu lifuti, vakapwa ngwe cimena civatukula mu livu.

VaLevi 3:16

Muka-kukombelela akenyekele vyoshe vije a mutula kupwa mulambu wa vyakulya wa kwenyeka. Vweko vwa mulambu wa vyakulya vukavwaelelesa Shukulu Kalunga. Co mazi oshe anapu a Shukulu Kalunga.

Luka 13:3

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.

Luka 13:5

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.”

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

VaHevelu 12:29

omwo Njambi yetu mwa vushunga wapwa tuhya twakunyongesa.

2 Petulu 2:12

Oloni vanu ava valinakupanga na mana ngwe a tusitu, vasemukilile mu shwata nakuvakwata na mukuvatsiya, vakevo valinakulwisa na kashaundu vyuma vije kuvazivisisa. Vakavanyongesa ngwe tusitu,

Maako 5:31

Ngecivene, Shukulu Kalunga vitozi vove voshe vakatsa ngacije vene, oloni vaje vakuzema vakavyazima ngwe misha yakutuuka kwa litangwa! Co kwakele kwoloka mu lifuti myaka makumi awana.