Myaso 37:15 - Livulu lya Shukulu Kalunga

¹⁵ oloni vakatsa ku mikwale yavo vavenya, co mata avo a lusipa akapokozoka.

Myaso 37:15 Iomraidhean Croise

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

Esita 9:16

Co vaYunda vaje vakele mu mafuti akwavo a mwene valikungulwile amo nakulyamena. Co vovokele ku vitozi vavo omo vatsiile vanu vakupwa 75,000. Oloni kuvapukwile vyuma vyavo.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Myaso 34:22

Shukulu Kalunga amena myonyo ya vangamba vendi, naumo wai atewela muli ikeye vakamuhise.

Myaso 35:8

Oloni vakanyonga vwasi-vwasi, co vakatsa mu linimbwa lyavo vavenya! Vakawila mu mbulu nakunyonga!

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 46:9

Ikeye amanesa vinzita ano asi oshe, akapokozola mata a lusipa na makunga, enyeka vintelo na tuhya!

Isaya 37:38

A litangwa limo, omo wakele nakulemesa mu njuvo ya njambi yendi Nisoloke, vana vendi vavali va vanalume, Andalameleke na Shalezele, vamutsiile na mikwale yavo, co vatewelele ku lifuti lya Alalate. Munendi Esalehandone wamushwanene kupwa mwene.

Njelemiya 51:56

Vanaija nakunyongesa Mbambilone, mashwalale vamwo vanavafungulula, mata avo a lusipa anapokozoka. Yange Njambi muka-kuhisa vuvi, co njikanyanyamesa Mbambilone ngwe ku vije viyalingile.

Hoziya 1:5

Co njikanyongesa nzili ya mashwalale va Isalele mu Cana ca Njezelele.”

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Mika 5:6

A nzili ya vitwa vakafungulula Asilya, na lifuti lya Nimelonde, co vakatwamena kuli vaAsilya omo vakovela mu lifuti lyetu.

1 Samwele 2:4

“Mata a lusipa a mashwalale va nzili anapokoka, oloni vaka-kuzeya valinakukola na nzili.

1 Samwele 31:4

Co Saulu wendekele kuli uje mukwenje wambatele vitwa vyendi ngwendi, “Shomona mukwale wove unjitsiye, ngeci ava vaFilisitiya vaka-kujeneka kukulaela kesi vanjishaule nakunjitsiya.” Oloni uje mukwenje katavele, omo wakele na lyova. Ngecivene, Saulu wambatele mukwale wendi, co wawililileko ikeye vavenya.