Myaso 37:14 - Livulu lya Shukulu Kalunga

¹⁴ Vaka-vuvi vashomona mikwale yavo, co vanana mata avo a lusipa, nakutsiya kautu na muka-kujeneka, nakutsiya vaje valinga vyavivwa,

Myaso 37:14 Iomraidhean Croise

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Myaso 11:2

omwo vaka-vuvi vanavanda nakunana mata avo a lusipa na mikili yavo ngeci vashe vaka-vushunga.

Myaso 35:10

Njikendeka kuli Shukulu Kalunga na mbunge yange yoshe ngwange, “Kukwesi umo wakulifwa nove! Yove ukanyungu vaka-kuzeya kuli vaka-nzili, ukanyungu kautu kuli muka-kumuyandesa!”

Visimo 29:10

Vaka-kutsiya vakevo vazinda munu woshe uje wa kulongwa, oloni vaka-vushunga vakanyungu mwonyo wa munu wa kulongwa.

Visimo 29:27

Vaka-vushunga vazinda vaka-vuvi, co vaka-vuvi vazinda vaka-vushunga.

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Vilinga vya Miluwa 12:11

Asinoni Petulu wanangukile cuma cije calingiwile kuli ikeye, co wendekele ngwendi, “Ololo njinazivuka ngwange cinapu ca vushunga! Kuma Mwene natumu kangelo kendi kuli yange nakunjitundisa ku nzili ya Helonde na ku vyoshe vije vaYunda vashakele ngeci vilingiwe.”

Vilinga vya Miluwa 12:23

Aje vene kangelo ka Mwene wapupile Helonde, omwo kaanene kasingimiko kuli Njambi. Co mainyo vamulile, co watsile.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

1 Yowano 3:12

Kutwapandele kupwa ngwe Kaini, ikeye wakundamene kuli Uje Liyavola, co watsiile shongo yendi Avele. Omwo vikajo Kaini wamutsiile? Omwo Kaini walingile vyuma vyavivi, oloni vyuma vije vyalingile ndolome yendi Avele vyapwile vyavivwa.

1 Samwele 24:11

Tate, kenga nanga ya ku mukundwilo wa cikoveyo cove eyi injinakwata! Njapandele kukutsiya, oloni njavatula lika nanga ya ku mukundwilo wa cikoveyo cove. Co eci cilinakukumwesa ngeci yange kunjesi na vutumbe vwakuyongola kukulwisa nambe kukuvulumuna. Yove ulinakunjiyomba ngeci unjitsiye, yange kunjalingile cuma cimo cacivi kuli yove.

1 Samwele 24:17

Asinoni Saulu wendekele kuli Ndaviti ngwendi, “Yove unalingi mwamuvwa, yange njalingi mwamuvi manene! Yove uli na mema ku mbunge ali yange, oloni yange njakulingi mwamuvi manene.