Myaso 36:4 - Livulu lya Shukulu Kalunga

⁴ Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 36:4 Iomraidhean Croise

Esita 5:14

Ngecivene, munakazi wendi na vasamba vendi voshe vatumbile vutumbe ngwavo, “Omwo vikajo kuushimbika viti vya vilaja vyakupwa mamita makumi avali na mamita avali? Co imene ukalombe mwene ngeci vakashukikeo Molendekai, asinoni ukaya ku ciwano cakulya nakuvwaelela.” Co Hamane wayongwele ngeci cije capwile ciyongola cacivwa, ngecivene, washimbikile viti.

Esita 6:4

Co mwene wehwile ngwendi, “Kuma kukwesi mwata umo wange mu lipela ndi?” Aje vene Hamane te akovela mu cipango ca lipela, ikeye wezile kuli mwene nakumulomba ngeci vashukike Molendekai a viti vije vyashimbikilile cimweja.

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Myaso 38:12

Vaje vashaka kunjitsiya vananjitela myeto kulutwe lwange, vaje vashaka kunjivulumuna vashungwiya kunjinyongesa, co litangwa lyoshe vatumba vutumbe vwakunjilwisa.

Myaso 52:3

Uzema manene vuvi kutuvakana vuvwa, co uzema manene makuli kutuvakana kwendeka vushunga. Yove muka-makuli,

Myaso 97:10

Yeni mwazema Shukulu Kalunga munapande kuzinda vuvi, Shukulu Kalunga akanyungu vanu vendi va kulongwa, nakuvapatula ku nzili ya vaka-muuka.

Visimo 24:2

Vimbunge vya vaka-vuvi viyongola lika vya lwozi, co tunwa twavo twendeka lika vya muuka.

Visimo 24:23

Evi lalo vikevyo visimo vya vaka-mana. Kusompela vulemu kunapu kwakuvi,

Visimo 4:16

Omwo vaka-vuvi kuvesi kulala tulo kuvanga vanalingi cuma cimo cacivi, vakalala cilavu-lavu noo vanavulumuna munu.

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Njelemiya 8:6

Njatolililile mwamuvwa, oloni kumwendekele vushunga. Naumo wai wa ali yeni ali na vusiwa vwa vuvi vwendi, co lalo naumo wai wa ali yeni wehwile ngwendi, ‘Vuvi mukajo njinalingi?’ Munu na munu alinakuya mu ngila yendi, ngwe kavalu ashatukila mu nzita.

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mateo 27:1

Alikaki mutondo-tondo vakulunu va vaka-kukombelela voshe na vakulunu vatumbile matumbe avo akulwisa Yesu ngeci vamutsiye.

Vilinga vya Miluwa 23:12

Alikaki mutondo vamo vaYunda valikungulwile nakutumba vutumbe. Valisingile cisingo ngeci kuvali vyakulya nambe kunwa kuvanga noo vanatsii Paulu.

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Kujombolola 2:2

Njinazivuka vije viwunalingi, njinazivuka kuundangana kwove nakusimpa kwove. Njinazivuka ngwange kuwasa kuundangana amo na vaka-kulinga vyavivi embwe, co lalo unelula vaje vaka-kwendeka ngwavo vanapu miluwa oloni kesi vakevo embwe, co vanasholoka ngeci kuma vanapu vaka-makuli.

1 Samwele 19:11

A vutsiki vuje vene, Saulu watumine vanalume vamo vakanyunge njuvo ya Ndaviti ngeci mutondo vamutsiye. Co Mikale, munakazi wa Ndaviti, wamunangwile ngwendi, “Nga kuuvomboloka vutsiki vuno vene, imene vakakutsiya.”